بالی ووڈ میں اداکاروں کے درجات ہیں، بہترین اداکاروں کو چھوٹے کرداروں میں دکھایا جاتا ہے، نوازالدین صدیقی

ممبئی (اُردو پوائنٹ اخبارتازہ ترین - این این آئی۔ 28 اپریل2025ء)بالی ووڈ اداکار نواز الدین صدیقی نے کہا ہے کہ بالی ووڈ میں اداکاروں کے درجات ہیں، ہیرو، اسٹار اور سپر اسٹار موجود ہیں، فلم میں بہترین اداکاروں کو چھوٹے کرداروں میں دکھایا جاتا ہے۔ایک انٹرویو میں نواز الدین صدیقی نے کہا کہ فلم نگری میں آج عرفان خان مرحوم، منوج باجپائی، نصیر الدین شاہ اور آنجہانی اوم پوری صاحب کو بڑا اداکار کہا جاتا ہے اور ان کی تعریف کی جاتی ہے۔

(جاری ہے)

انہوں نے فلم انڈسٹری کے رویے پر تنقید کی اور کہا کہ یہ لوگ فلم نگری کی ہیرو کی روایتی تصویر پر پورے نہیں اترتے تھے، کیا یہ بالی ووڈ کی ناکامی نہیں کہ ان پر بھروسہ نہیں کیا گیا کیا کسی نے ان کے ساتھ 20یا 30کروڑ کی فلم بنائی یہ صرف یہاں ہی ہوتا ہے۔نواز الدین صدیقی نے کہا کہ آج کل ہم دیکھ رہے ہیں، نئے اداکاروں کے ساتھ آنے والی فلموں کا کیا حال ہو رہا ہے، دوسری فلم انڈسٹریز میں اداکاروں کو صلاحیتوں کی بنیاد پر کاسٹ کیا جاتا ہے لکس کی بنیاد پر نہیں۔