زاہد احمد مودی حکومت اور بھارتی اداکاروں پر برہم

کراچی (اُردو پوائنٹ اخبارتازہ ترین - این این آئی۔ 09 مئی2025ء)اداکار زاہد احمد نے نفرت انگیزی پھیلانے والی مودی حکومت اور اس کی حمایت کرنے والے بھارتی اداکاروں پر برہمی کا اظہار کیا ہے۔زاہد احمد نے اپنی انسٹا اسٹوری پر لکھا کہ جنگ ہو یا نہ ہو لیکن آگے بڑھتے ہوئے ایک چیز واضح ہونی چاہیے۔

(جاری ہے)

انہوں نے لکھا کہ جب تک یہ اشتعال انگیز قصائی ان کے ملک کا سربراہ ہے اور ان کے فنکار بھی اسی نفرت کی گونج میں رہیں گے ۔

اداکار نے لکھا کہ بھارتی فنکاروں کے ساتھ کام کرنے کی خواہش کرنے کے بجائے ہمارے فنکاروں کو ایسی ذہنیت سے وابستہ ہونے کا سوچ کر بھی نفرت محسوس کرنی چاہیے۔انہوں نے لکھا کہ یہ آرٹ کی کوئی بائونڈری نہیں ہوتی والا ڈرامہ بہت ہوگیا۔زاہد احمد نے لکھا کہ بھارتی اداکاروں نے واضح طور پر حدود کی وضاحت کی ہے، پاکستان زندہ باد۔