فلم سٹار میرا نے ایک مرتبہ پھر اپنی عمر چھپا لی

اسلام آباد (اُردو پوائنٹ اخبارتازہ ترین - آن لائن۔10 مارچ۔2016ء) معروف فلم سٹار میرا نے ایک مرتبہ پھر اپنی عمر چھپا لی ہے نادرا شناختی کارڈ پر موجود ڈیٹا کی تاریخ پیدائش سے انکار کر دیا جمعرات کو آن لان سے خصوصی گفتگو کرتے ہوئے میڈیا پر عمر کے حوالے سے شائع ہونے والی خبروں پر تردید کرتے ہوئے میرا نے کہا کہ ان کی عمر 39 سال نہیں ہے اور نہ ہی قومی شناختی کارڈ پران کی تاریخ پیدائش 12 مئی 1977 ہے جبکہ میرا نے اپنی اصل عمر کے حوالے سے جواب گول مول کرتے ہوئے کہا کہ میری عمر 39 سال نہیں ہے اور اپنی اصل عمر بتانے کے حوالے سے بات کو پھر گول مول کر دیا ۔

(جاری ہے)

ایک سوال کے جواب میں میرا نے کہا کہ مجھے نئی آنے والی فلم ” دی ریبل “ کی شوٹنگ سے الگ نہیں کیا گیا تاہم اس فلم کی مزید شوٹنگ کو ایک ماہ کے لئے موخر کر دیا گیا ہے واضح رہے کہ اداکارہ میرا نے اپنے فلمی کیریئر کا آغاز 1995 میں فلم کانٹا سے کیا تھا اور وہ اپنی عمر کے حوالے سے ہمیشہ جذباتی رہی ہیں جبکہ ان کی نئی آنے والی فلم ” دی ریبل “ جس کی شوٹنگ کافی حد تک مکمل ہو چکی ہے اس میں میرا کا بہت اہم کردار ہے ۔