مجھے ٹی وی دیکھنے کا زیادہ شوق نہیں، اداکارہ جاناں ملک

لاہور (اُردو پوائنٹ اخبارتازہ ترین - این این آئی۔03 اکتوبر۔2016ء) پاکستان کی مشہور و معروف اداکارہ جاناں ملک 26 اپریل 1984 کو پنجاب کے شہر لاہور میں پیدا ہوئیں، انہوں نے دو فلموں میں کام کیا سن 1998 میں پہلی فلم محافظ میں کام کیا، اس کے بعد انہوں نے فلم زور میں بھی کام کیا، تیرا برس کی عمر میں اپنے کیرئر کا آغاز کیا، انہوں نے لنڈا بازار ، ابن و آدم ،بلندی ، میرے حضور ، ٹوپی ڈرامہ ، دل دے دل تک، کس دن میرا ویا ہوگا ، جہیز نامی ڈراموں میں کردار ادا کیا ۔

(جاری ہے)

اپنے ایک انٹرویو میں جاناں ملک نے بتایا کہ انہیں کھانا پکانے کا بہت شوق ہے، انہوں نے بتایا کہ میں دیسی کھانا بہت اچھا بنالیتی ہوں جیسے حلوہ ، بریانی ، کڑاہی اور خود مٹھائی بھی بنالیتی ہوں۔اداکارہ نے بتایا کہ انہیں کتابیں پڑھنے کا بہت شوق ہے ، کتابیں اچھی ہوں تو ساری رات پڑھ لیتی ہیں، آج کل انہیں سائنسی کتابیں اچھی لگتی ہیں۔جاناں ملک نے کہا کہ مجھے ٹی وی دیکھنے کا زیادہ شوق نہیں میں چاہتی ہوں زندگی بت سکون سے گزرے، میں اپنی زندگی میں بہت خوش ہوں ، میں پینٹنگ بھی کرتی ہوں میں نے اپنا گھر خود ڈیزائن کیا ہے، انوکھی اور منفرد چیزیں جمع کرنے کا شوق ہے ۔