مراٹھی کی 1913ء کے بعد اداکاراؤں کی تفصیلات پر مشتمل انسائیکلو پیڈ یا ویب سائٹ کا آغاز کر دیا گیا

ممبئی (اردوپوائنٹ اخبار تازہ ترین17اکتوبر2006) مراٹھی کی 1913ء کے بعد تمام اداکاراؤں کی تفصیلات پر مشتمل انسائیکلو پیڈ یا ویب سائٹ کا آغاز کر دیا گیا ۔ فلمسازمہیش تلیکر نے اسے ترتیب دیا ہے اداکاراؤں کی تفصیلات ان کی نادر تصاویر بھی ویب سائٹ پر دستیاب ہیں ۔ مراٹھی فلم صنعت کی پہلی خاتون اداکار کملاگھو کھلے جو اداکار وکرم گوکھلے کی نانی ہے سے تفصیلات کا آغاز کیا گیا ہے ۔

ویب سایٹ www.marathitaraka.com پر جن اداکاروں کو پیش کیا گیا ہے ان میں درگا کھوٹے ‘شوبھن سمارتھ ‘للیتا پوار‘شاشا آپٹے ‘ لیلا چٹس ‘ہنساوا ڈکر ‘ سلوچنا ‘جئے شری گڈ کرسیما‘ آشا کالے ‘ رنجنا‘ الکا کوبائی ‘ ورشن اسگا ونکر ‘ مدھورا والنکر‘ دیپا پرب ‘ساریکا ‘ نلٹکر شامل ہیں ۔ فلمساز تلیکرنے کہا کہ مراٹھی فلم کی 97ہیروئینوں کی تفصیلات پیش کی گئی ہیں ۔

(جاری ہے)

خاتون اداکاراؤں کو صرف ویب سائٹ پر کیوں پیش کیا گیا ہے کے سوال پر فلمساز نے کہا کہ مراٹھی سینما میں خاتون اداکاراوں کا غلبہ ہے ۔ انہوں نے کہا کہ عنقریب مرد اداکاروں کی تفصیلات بھی پیش کی جائینگی ۔ تلیکر نے کہا کہ یہ اپنی نوعیت کی پہلی ویب سائٹ ہے جس میں مراٹھی فلمی صنعتی کی تاریخ بھی ہے ۔ جئے شری گڈ کرنے ویب سائٹ کا افتتاح کیا ۔ اس وقت نیلو پھولے اور امرتا راؤ بھی موجود تھے جن کی فلم ”وواہ “آئندہ ماہ پیش کی جا رہی ہے ۔