پاکستان کرکٹ بورڈ کا آسٹریلیا اور سری لنکن کرکٹ بورڈز سے رابطہ

لاہور(اُردو پوائنٹ اخبارتازہ ترین - آئی این پی۔ 07 مئی2017ء) پاکستان کرکٹ بورڈ (پی سی بی)نے آسٹریلیا اور سری لنکن کرکٹ بورڈز سے رابطہ کرلیا۔ دونوں بورڈز کو انڈر نائینٹین سیریز کھیلنے کی پیشکش کی گئی ہے۔پاکستان کرکٹ بورڈ کے ڈائریکٹر کرکٹ آپریشنز ہارون رشید نے عہدہ سنبھالنے کے بعد کام شروع کردیا۔

(جاری ہے)

پاکستان کرکٹ بورڈ نے آسٹریلیا اور سری لنکا کرکٹ بورڈز کے ساتھ رابطہ کیا ہے اور دونوں بورڈز کو پاکستان انڈر نائینٹین کرکٹ ٹیم کے خلاف سیریز کھیلنے کی پیشکش کی گئی ہے۔

پاکستان کرکٹ بورڈ نے دونوں بورڈز کو تجویز دی ہے کہ دو ہزار اٹھارہ کے آغاز میں ہونیوالے انڈر نائینٹین کرکٹ ورلڈ کپ سے قبل سیریز کھیلی جاسکتی ہیں۔پی سی بی نے آسٹریلیا کو آسٹریلیا اور سری لنکا کے خلاف سیریز متحدہ عرب امارات میں کروانے کی تجویز دی ہے۔ انڈر نائینٹین کرکٹ ورلڈ کپ جنوری دو ہزار اٹھارہ کو نیوزی لینڈ میں کھیلا جائیگا۔