پاکستانی کوہ پیما عبدالجبار نے ماؤنٹ ایورسٹ سر کر لی، کارنامہ انجام دینے والے چوتھے پاکستانی بن گئے

عبد الجبار بھٹی نے 8 ہزار 848 میٹر بلند ماؤنٹ ایورسٹ کو سر کرنے کا کارنامہ انجام دیا، اس سے قبل پاکستان کی کئی بلند ترین چوٹیوں کو سر کر چکے

پیر 22 مئی 2017 15:15

پاکستانی کوہ پیما عبدالجبار نے ماؤنٹ ایورسٹ سر کر لی، کارنامہ انجام دینے والے چوتھے پاکستانی بن گئے
کھٹمنڈو(اُردو پوائنٹ اخبارتازہ ترین - آئی این پی۔ 22 مئی2017ء) پاکستانی کوہ پیما کرنل ریٹائرڈ عبد الجبار بھٹی نے دنیا کی سب سے بلند چوٹی ماؤنٹ ایورسٹ سر لی اور اس طرح وہ یہ کارنامہ انجام دینے والے چوتھے پاکستانی بن گئے ہیں۔پاکستانی کوہ پیما کرنل (ر)عبدالجبار نے دنیا کی سب سے اونچی چوٹی سر کر لی ہے۔ پاک فوج کے ریٹائرڈ کرنل نے گزشتہ روز مقامی وقت کے مطابق ڈھائی بجے 8 ہزار 848 میٹر بلند ماؤنٹ ایورسٹ کو سر کرنے کا کارنامہ انجام دیا۔

(جاری ہے)

کرنل (ر) عبدالجبار اس سے قبل پاکستان کی کئی بلند ترین چوٹیوں کو سر کر چکے ہیں۔ اس کے علاوہ کرنل (ر) جبار نے پاکستان میں پیرا گلائڈنگ کو مقبول بنانے میں بھی اہم کردار ادا کیا۔واضح رہے کہ کرنل (ر) عبدالجبار بھٹی سے تین پاکستانی ناظر صابر، حسن سدپارہ اور ثمینہ بیگ بھی یہ کارنامہ انجام دے چکے ہیں۔ ناظر صابر نے 2000 میں ایورسٹ کی چوٹی سر کی تھی۔ ان کے بعد حسن سدپارہ نے 2011 میں اور ثمینہ بیگ نے 2013 میں دنیا کی سب سے بلند چوٹی کو عبور کیا۔
وقت اشاعت : 22/05/2017 - 15:15:11

مزید متعلقہ خبریں پڑھئیے‎ :

متعلقہ عنوان :