چیمپئنز ٹرافی، پاکستانی کرکٹ فین چاچا شکاگواس بار بھارت کو سپورٹ کریں گے

لندن(اُردو پوائنٹ اخبارتازہ ترین - آئی این پی۔ 30 مئی2017ء) کرکٹ کے دیوانے دنیا بھر میں ہیں ۔مگر کچھ دیوانے ایسے ہوتے ہیں جنہوں نے اپنی زندگیاں ہی اس دیوانگی میں گزار دی ہیں ۔پاکستانی چاچاکرکٹ کو کون نہیں جانتا۔دنیا بھر میں جہاں پاکستان کا میچ ہو اس کی کوشش ہوتی ہے کہ وہ اس میچ میں پاکستانی ٹیم کو سپورٹ کرنے پہنچ جائے ۔بالکل اسی طرح دنیا بھر کے دیوانوں میں چاچا شکاگو بھی ہے ۔

جو پاکستانی ٹیم کو سپورٹ کرنے کے لیے اکثر کرکٹ کے میچوں میں دیکھا جاتاہے ۔

(جاری ہے)

تاہم اس بار وہ پاکستانی ٹیم کو سپورٹ نہیں کر رہاہے بلکہ چاچا شکاگو چیمپئنز ٹرافی میں بھارت کو سپورٹ کرے گا۔انہوں نے کہا ہے کہ اس بار بھارت پاکستان کو باآسانی ہرا دے گا۔ 64سالہ چاچا شکاگو نے بھارت ناصرف پاکستان کو ہرائے گا بلکہ ٹورنامنٹ بھی جیت لے گا۔سوشل میڈیاپر انہوں نے دھونی کے ساتھ اپنی تصویر بھی شیئر کی ہے جس میں انہیں ہندوستانی کھلاڑیوں کی شرٹ پہنے دیکھا جا سکتاہے ۔واضح رہے چاچا شکاگو کا اصل نام بشیر ہے اور پچھلے کئی سال سے دھونی کے بڑے فین ہیں مگر اس بار انہوں پاکستانی ٹیم کو بدل کر بھارت کا پلہ سنبھال لیاہے ۔