چیمپئنز ٹرافی سکواڈ ،سینٹرل کنٹریکٹ سے باہر ہونے کا افسوس ہے:عمر اکمل

لاہور(اردو پوائنٹ تازہ ترین اخبار25 جولائی۔2017ئ) قومی ٹیم کے مڈل آرڈر بلے باز عمراکمل کا کہنا ہے کہ انہیں چیمپئنز ٹرافی اور پی سی بی کے سینٹرل کنٹریکٹ سے باہر ہونے کا افسوس ہے ،و ہ فٹنس پر کام کر رہے ہیں اور جلد ٹیم میں واپسی کریں گے ۔

(جاری ہے)

ایک نجی ٹی وی سے گفتگو کرتے ہوئے عمر اکمل کا کہنا تھا کہ وہ پاکستان کرکٹ بورڈ کو آگا ہ کرنے کے بعد برطانیہ فٹنس پر کام کرنے آئے ہیں ،وہ لوگوں کی باتوںپر دھیان دینے کی بجائے اپنی فٹنس پر کام کررہے ہیں اور جلد کوچز کے میعار کے مطابق فٹنس حاصل کرکے ٹیم میں واپسی کریں گے ۔

عمر اکمل کا مزید کہنا تھا کہ انہیںچیمپئنزٹرافی کی ٹیم سے باہر ہونے کاافسوس ہے تاہم وہ ایک با ر پھر ٹیم میں واپسی کے لیے پرعزم ہیں تاکہ آئند ہ اس طرح کے ٹورنامنٹس مس نہ کریں۔مڈل آرڈر بلے باز نے کہا کہ سینٹرل کنٹریکٹ سے باہر ہونا افسوس ناک ہے تاہم وہ مایوس نہیں ہوئے اور کڑی محنت سے نہ صرف سینٹرل کنٹریکٹ حاصل کریں گے بلکہ ٹیم میں بھی واپسی کریں گے ۔