ْورلڈ الیون اور سری لنکا کیخلاف سیریز، قومی ٹیم کا تربیتی کیمپ لاہور میں لگانے کا فیصلہ

لاہور(اُردو پوائنٹ اخبارتازہ ترین - آئی این پی۔ 25 جولائی2017ء) پاکستان میں ورلڈ الیون کیخلاف ٹی 20سیریز اور سری لنکا کے خلاف یو اے ای میں ہوم سیریز کی تیاری کیلئے قومی کرکٹرز کا تربیتی کیمپ اگست کے پہلے ہفتے میں لاہور میں لگانے کا فیصلہ کرلیا گیا ہے۔چیمپئینز ٹرافی جیتنے اور چھٹیاں منانے کے بعد ہیڈ کوچ مکی آرتھرلاہور پہنچ گئے جہاں نیشنل کرکٹ اکیڈمی میں جاری ہائی پرفارمنس کیمپ میں کھلاڑیوں کی فٹنس اور فارم کا جائزہ لیا ۔

مکی آرتھر نے پی سی بی کے ڈائریکٹر اکیڈمیز اور کوچیز سے ملاقات کی جس میں قومی کرکٹرز کا تربیتی کیمپ اگلے ماہ کے پہلے ہفتے میں لاہور میں لگانے کا فیصلہ کیا،ابتدائی طور پرملک میں موجود قومی کرکٹرزاس کیمپ میں ٹریننگ کریں گے۔ورلڈ الیون کی پاکستان آمد اور سری لنکا کے خلاف یو اے ای میں ہوم سیریز کی تاریخیں طے پانا باقی ہیں ،جن کے طے پانے پر کائونٹی کرکٹ اور دیگر مصروفیت کی بنا پر بیرون ملک موجود قومی کرکٹرزکی اس کیمپ میں شرکت یقینی بنائی جائے گی۔

(جاری ہے)

ورلڈ الیون کی ستمبر میں ٹی 20سیریز کھیلنے کیلئے پاکستان آمد متوقع ہے جبکہ اکتوبر میں سری لنکا کے خلاف یو اے ای میں ہوم سیریز شیڈول ہے، آئی لینڈر اور گرین شرٹس کے درمیان ٹیسٹ، ون ڈے اور ٹی ٹونٹی سیریز یو اے ای میں کھیلی جائے گی۔