پاکستان ہاکی فیڈریشن نے منصور احمد کو نیشنل جونیئر ٹیم کا منیجر مقرر کر دیا

محمد عثمان شیخ، محمد ثقلین اور ریحان بٹ کوچ ہوں گے،چاروں آفیشلز قومی ہاکی ٹیم کی قیادت کر چکے ہیں

منگل 25 جولائی 2017 23:14

پاکستان ہاکی فیڈریشن نے منصور احمد کو نیشنل جونیئر ٹیم کا منیجر مقرر کر دیا
لاہور(اُردو پوائنٹ اخبارتازہ ترین - آن لائن۔ 25 جولائی2017ء) پاکستان ہاکی فیڈریشن نے منصور احمد کو نیشنل جونیئر ٹیم کا منیجر مقرر کر دیا، محمد عثمان شیخ، محمد ثقلین اور ریحان بٹ کوچ ہوں گے۔چاروں آفیشلز قومی ہاکی ٹیم کی قیادت کر چکے ہیں اور اوپن ٹرائلز میں منتخب ہونے والے جونیئر پلیئرز کو ٹریننگ دیں گے۔ دو روزہ اوپن ٹرائلز 27 اور 28 جولائی کو تین مختلف شہروں میں ہوں گے جن میں چاروں صوبوں اور وفاق کے پلیئرز کا انتخاب کیا جائے گا۔

(جاری ہے)

خیبرپختونخوا اور اسلام آباد کے پلیئرز کے ٹرائلز مردان میں ہوں گے، امتیاز آفریدی، عمران خان، احسان اللہ اور شوکت علی سلیکٹرز ہوں گے۔ پنجاب کے پلیئرز کیلیے جوہر ٹائون ہاکی اسٹیڈیم لاہور میں شیڈول ہیں، طاہر زمان، مقصود حسین اور عمران بٹ سلیکٹرز ہوں گے۔ سندھ اور بلوچستان کے ٹرائلز کراچی سینٹر میں ہوں گے، قمر ابراہیم، محمد علی اور محمد انیس سلیکٹرز میں شامل ہیں۔ ٹرائلز میں یکم جنوری 1998 یا اس کے بعد پیدا ہونے والے پلیئرز شرکت کے اہل ہوں گے۔۔
وقت اشاعت : 25/07/2017 - 23:14:29

مزید متعلقہ خبریں پڑھئیے‎ :

متعلقہ عنوان :