پنجاب کلرز نے انڈر 18 گرلز ہاکی چیمپئن شپ کا ٹائٹل جیت لیا
UrduPoint Social

پنجاب کلرز نے انڈر 18 گرلز ہاکی چیمپئن شپ کا ٹائٹل جیت لیا

جمعہ اگست 10:48 pm
لاہور۔ (اُردو پوائنٹ اخبارتازہ ترین۔ 11 اگست2017ء)پنجاب کلرز نے انڈر 18 گرلز ہاکی چیمپئن شپ کے فائنل میںپنجاب وائٹس کو ایک صفرسے شکست دے کراپنے اعزاز کا دفاع کرنے میں کامیاب رہی۔

(خبر جاری ہے)

نیشنل ہاکی سٹیڈیم میں کھیلے گئے فائنل میچ کے مہمان خصوصی ڈائریکٹرجنرل سپورٹس ذوالفقار احمد گھمن تھے،دونوں ٹیموں کے مابین کانٹے دار مقابلہ ہوا تاہم پنجاب کلرکی طرف سے فیصلہ کن گول فائقہ ریاض نے کھیل کے تیسرے منٹ میں سکور کیا اوریہ برتری آخر تک

خبر کی مزید تفصیل پڑھئیے

قائم رہی۔

اس سے قبل تیسری پوزیشن کے میچ میں پاکستان ایجوکیشن بورڈ نے اسلام آباد کے خلاف ایک صفر سے کامیابی سمیٹی۔ میچ کا واحد گول سیما نے کیا۔ اختتامی تقریب کے مہمان خصوصی ڈائریکٹرجنرل سپورٹس بورڈ پنجاب ذوالفقار گھمن نے کھلاڑیوں میں انعامات تقسیم کئے۔ پنجاب وائٹس کی شاکرہ سرور کو ایونٹ کی بہترین کھلاڑی پنجاب کلرکی انمول ارشد بیسٹ گول کیپر جبکہ پنجاب کلر ہی کی حمرالطیف ٹاپ سکورر قرار پائیں۔

مزید خبریں