بھارت انڈر 19 نے انگلینڈ انڈر 19 کو آخری ون ڈے میں ایک وکٹ سے ہرا کر سیریز 5-0 سے جیت لی

ٹائونٹن (اُردو پوائنٹ اخبارتازہ ترین - آن لائن۔ 17 اگست2017ء) بھارت انڈر 19 نے انگلینڈ انڈر 19 کو پانچویں اور آخری ایک روزہ میچ میں دلچسپ مقابلے کے بعد ایک وکٹ سے ہرا کر سیریز 5-0 سے جیت لی۔

(جاری ہے)

ٹائونٹن میں کھیلے گئے آخری ون ڈے میں انگلینڈ انڈر 19 ٹیم نے پہلے کھیلتے ہوئے مقررہ اوورز میں 9 وکٹوں کے نقصان پر 222 رنز بنائے، لیام بینکس 51 اور بروک 49 رنز بنا کر نمایاں رہے، راہول چاہر نے 4 وکٹیں لیں، جواب میں بھارت انڈر 19 نے مطلوبہ ہدف آخری اوور کی دوسری گیند پر 9 وکٹوں پر حاصل کیا، پریتھو شاہ 52 رنز بنا کر نمایاں رہے، نگرکوٹی نے ناقابل شکست 26 رنز بنا کر ٹیم کو فتح سے ہمکنار کرایا۔بروکس نے 3 کھلاڑیوں کو آئوٹ کیا۔