ضابطہ اخلاق کی خلاف ورزی، آسٹریلوی ٹینس پلیئر نک کرگیوس پر 10 ہزار ڈالر جرمانہ عائد

بدھ اکتوبر 19:48

ضابطہ اخلاق کی خلاف ورزی، آسٹریلوی ٹینس پلیئر نک کرگیوس پر 10 ہزار ..
شنگھائی ۔ (اُردو پوائنٹ اخبارتازہ ترین۔ 11 اکتوبر2017ء) شنگھائی ماسٹرز آرگنائزرز نے ٹورنامنٹ کے دوران سپورٹس مین سپرٹ کا مظاہرہ نہ کرنے پر آسٹریلوی کھلاڑی نک کرگیوس پر 10 ہزار ڈالر جرمانہ عائد کر دیا۔

(جاری ہے)

چین میں جاری ایونٹ کے پہلے رائونڈ کے دوران پہلا سیٹ ٹائی بریک پر ہارنے کے بعد آسٹریلوی کھلاڑی نے غصے میں آ کر میچ سے دستبرداری اختیار کر لی، اس سے قبل انہیں دو بار گیند کورٹ سے باہر پھینکنے پر وارننگ بھی جاری کی گئی تھی۔

ٹورنامنٹ آرگنائزرز نے کرگیوس کو ضابطہ اخلاق کی خلاف ورزی کا مرتکب ٹھہراتے ہوئے ان پر 10 ہزار ڈالر جرمانہ عائد کر دیا، اس کے علاوہ وہ 21085 ڈالر انعامی رقم سے بھی محروم ہو گئے۔ واضح رہے کہ گزشتہ برس بھی شنگھائی ماسٹرز ٹورنامنٹ میں نامناسب رویے پر کرگیوس پر 25 ہزار ڈالر جرمانہ اور آٹھ ہفتوں تک اے ٹی پی ٹورنامنٹس میں شرکت پر پابندی عائد کی گئی تھی۔

مزید متعلقہ خبریں پڑھئیے‎ :

وقت اشاعت : 11/10/2017 - 19:48:44

متعلقہ عنوان :

Your Thoughts and Comments