چوتھا ون ڈے،سری لنکا کی بیٹنگ لائن ایک بار پھر مشکلات کا شکار
جمعہ 20 اکتوبر 2017 16:24
شارجہ (اردو پوائنٹ تازہ ترین اخبار20اکتوبر۔2017ئ) چوتھے ون ڈے میں سری لنکا کی بیٹنگ ایک بار پھر مشکلات کا شکار ہے اور اس نے اب تک 4وکٹوں کے نقصان پر 72رنز بنا لیے ہیں۔شارجہ میں کھیلے جارہے چوتھے ون ڈے میں سری لنکا نے پاکستان کے خلاف ٹاس جیت کر بیٹنگ کا فیصلہ کیا ہے، اننگز کا آغاز ڈکویلا اور اپل تھرنگا نے کیا تاہم اوپنرز خاص کارکردگی نہ دکھاسکے اور صرف 2 کے مجموعی سکور پر اپل تھرنگا بغیر کوئی رن بنائے آﺅٹ ہوگئے ، کچھ دیر بعد ڈکویلا 30 کے مجموعی سکور پر پویلین لوٹ گئے۔
اوپنرز کے آﺅٹ ہونے کے بعد دنیش چندیمل بھی زیادہ دیر تک وکٹ پر کھڑے نہ رہ سکے اور سرفراز کے ہاتھوں رن آﺅٹ ہوگئے ، نئے آنےوالے بیٹسمین سماراوکراما0 پر ہی وکٹ گنوا بیٹھے۔ اس وقت وکٹ پر تھریمانے اور سری وردانے موجود ہیں جب کہ سری لنکا نے 4 وکٹوں کے نقصان پر 72 رنز بنالیے ہیں۔واضح رہے کہ پانچ ایک روزہ میچز کی سیریز میں پاکستان کو 0-3 کی فیصلہ کن برتری حاصل ہے، پہلے میچ میں پاکستان نے سری لنکا کو 83، دوسرے میں 32 رنز جبکہ تیسرے میں 7 وکٹوں سے شکست دی تھی۔
(جاری ہے)
وقت اشاعت : 20/10/2017 - 16:24:44
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
پاکستان اور نیوزی لینڈ کے مابین پہلا ٹی ٹونٹی میچ بارش کے باعث بغیر کسی نتیجے کے ختم ہو گیا
-
صرف 2 گیندوں بعد ہی میچ ختم
-
پاکستان نیوزی لینڈ ٹی ٹونٹی کرکٹ سیریز، پنجاب پولیس کے فول پروف سکیورٹی و ٹریفک انتظامات
-
راولپنڈی میں بارش رک گئی، پاک نیوزی لینڈ میچ چند اوورز تک محدود کر دیا گیا
-
کس وقت تک بارش نہ رکی تو پاک نیوزی لیند میچ منسوخ کر دیا جائے گا؟
-
سری لنکا ویمنز ٹیم نے جنوبی افریقہ کو تیسرے ون ڈے میں 6 وکٹوں سے شکست دیدی، سیریز 1-1 سے برابر