عامراور فریال کی علیحدگی کی وجہ ’’پلاسٹک سرجری‘‘ ہے

فریال نے کائلی جینر کو دیکھ کر ہی اپنے چہرے کی پلاسٹک سرجری کرائی تھی

پیر 23 اکتوبر 2017 11:59

لندن(اُردو پوائنٹ اخبارتازہ ترین - این این آئی۔ 23 اکتوبر2017ء) برطانیہ سے تعلق رکھنے والی استاد صوفی نے انکشاف کیا ہے کہ باکسر عامر خان اور ان کی اہلیہ فریال مخدوم کے درمیان علیحدگی کی وجہ پلاسٹک سرجری تھی۔پاکستانی نژاد برطانوی باکسرعامر خان اور ان کی اہلیہ فریال مخدوم کے درمیان معاملات ابھی تک حل نہیں ہوئے ہیں بلکہ آئے روز دونوں کے رشتے اورعلیحدگی کے حوالے سے نئے نئے انکشافات سامنے آتے رہتے ہیں۔

حال ہی میں برطانیہ سے تعلق رکھنے والی صوفی نامی ٹیچرنے دونوں کی علیحدگی کے بارے میں نیا انکشاف کرتے ہوئے کہا ہے کہ عامر فریال کی پلاسٹک سرجری سے تنگ آچکے تھے اور اسی لیے انہوں نے اہلیہ سے علیحدگی اختیار کرلی۔بین الاقوامی میڈیا کے مطابق صوفی کا کہنا ہے کہ میری اورعامر کی ملاقات اتفاقیہ طورپرایک ہوٹل کی کار پارکنگ میں ہوئی تھی وہاں ہم دونوں کے درمیان نمبرزکا تبادلہ ہوا اورعامر نے مجھے فوراً پیغامات بھی بھیجنا شروع کردئیے، یہ عمل اتنا بڑھ گیا کہ کئی بار عامر مجھے دیررات تک پیغامات بھیجتے اورفریال سے متعلق باتیں شیئرکرتے تھے۔

(جاری ہے)

صوفی کا کہنا تھا کہ عامر نے انہیں پیغامات کے ذریعے بتایا کہ فریال بہت خوبصورت تھیں جب تک کہ انہوں نے کائلی جینر کے نقش قدم پرچلتے ہوئے اپنی شخصیت کو مکمل طورپرتبدیل کرلیاتھا۔(کائلی جینرامریکی ٹی وی کی مشہور شخصیت اور ماڈل ہیں)۔عامر نے کہا کہ ان کی اہلیہ نے کائلی کو دیکھ کر ہی اپنے چہرے کی پلاسٹک سرجری کرائی تھی حالانکہ فریال کو یہ کام کرنے کی کوئی ضرورت نہیں تھی۔ انہوں نے کہا کہ وہ اپنی حاملہ بیوی کے پلاسٹک سرجری کروانے کے جنون سے تنگ آچکے تھے اور فریال کی یہی حرکتیں ان دونوں کے درمیان علیحدگی کی وجہ بنیں۔
وقت اشاعت : 23/10/2017 - 11:59:55