اعصام الحق کا آسٹریلین اوپن میں سفر تمام، مکسڈ ڈبلز کے بعد مینز ڈبلز ایونٹ میں بھی ٹائٹل کی دوڑ سے باہر

میلبورن ۔ (اُردو پوائنٹ اخبارتازہ ترین - اے پی پی۔ 23 جنوری2018ء) سٹار پاکستانی کھلاڑی اعصام الحق قریشی کا آسٹریلین اوپن ٹینس ٹورنامنٹ میں سفر تمام ہو گیا، مکسڈ ڈبلز کے بعد مینز ڈبلز ایونٹ میں بھی ٹائٹل کی دوڑ سے باہر ہو گئے، اعصام اور میٹکوسکی کو مینز ڈبلز کوارٹر فائنل میں برائن برادرز کے ہاتھوں شکست کا سامنا کرنا پڑا۔

(جاری ہے)

آسٹریلیا میں جاری سال کے پہلے گرینڈ سلام ٹورنامنٹ کے سلسلے میں منگل کو کھیلے گئے مینز ڈبلز کوارٹر فائنل میں مائیک برائن اور باب برائن پر مشتمل امریکن جوڑی نے عمدہ کارکردگی کا مظاہرہ کرتے ہوئے پاکستان کے اعصام الحق اور ان کے پولینڈ کے جوڑی دار مارسن میٹکوسکی کو سٹریٹ سیٹس میں 6-1 اور 6-4 سے ہرا کر سیمی فائنل کیلئے کوالیفائی کر لیا، واضح رہے کہ اعصام کو مکسڈ ڈبلز ایونٹ کے پہلے رائونڈ میں شکست کا سامنا کرنا پڑا تھا۔