ْافغانستان اور زمبابوے کے درمیان تیسرا ایک روزہ بین الاقوامی کرکٹ میچ (کل) کھیلا جائے گا

شارجہ ۔ (اُردو پوائنٹ اخبارتازہ ترین - اے پی پی۔ 12 فروری2018ء) افغانستان اور زمبابوے کی کرکٹ ٹیموں کے درمیان پانچ میچوں کی سیریز کا تیسرا ایک روزہ بین الاقوامی کرکٹ میچ (کل) شارجہ کرکٹ سٹیڈیم میں کھیلا جائے گا۔ دونوں ٹیموں کے درمیان پانچ میچوں کی سیریز 1-1 سے برابر ہے۔

(جاری ہے)

افغانستان کی ٹیم نے زمبابوے کو پہلے میچ میں 154 رنز سے شکست دی تھی جبکہ دوسرے میچ میں زمبابوے می ٹیم نے افغانستان کو 154 رنز سے ہرا کر سیریز میں شاندار کم بیک کیا تھا۔

واضح رہے کہ دونوں ٹیموں کے درمیان پانچ میچوں کی سیریز کا چوتھا میچ 16 فروری کو شارجہ میں کھیلا جائیگا جبکہ پانچواں اور آخری ون ڈے میچ 19 فروری کو اسی مقام پر کھیلا جائیگا۔ اس سے قبل دونوں ٹیموں کے درمیان کھیلی گئی دو ٹی ٹونٹی کرکٹ میچوں کی سیریز افغانستان کی ٹیم نے 2-0 سے اپنے نام کی تھی۔