شیفلڈ شیلڈ،سین ایبٹ کے باﺅنسر نے ایک اور بلے باز زمین بو س کردیا

میلبورن(اردو پوائنٹ تازہ ترین اخبار۔4مارچ 2018ء)آسٹریلیوی فاسٹ باﺅلر سین ایبٹ وہ بدقسمت گیند باز تھے جن کے باﺅنسر نے ان کے ہم وطن بلے باز فلپ ہیوگز کی جان لی تھی ،کے باﺅنسر پر اتوار کے روز شیفلڈ شیلڈ مقابلے میں ایک اور بلے باز زمین بوس ہوگیا ۔ جنکشن اوول ،میلبورن میں نیو ساﺅتھ ویلز کیلئے کھیلنے والے سین ایبٹ کا باﺅلر وکٹوریا کے بلے باز ول پیکووسکی کے سر پر لگا جس نے انہیں ریٹائر ہرٹ ہونے پر مجبور کردیا ۔

میڈیا رپورٹس کے مطابق پیکووسکی کو باﺅنسر لگنے کے بعد اپنے پاﺅں پر دوبارہ کھڑے ہونے میں کافی وقت لگا جس کے بعد ٹیم فزیو اور طبی عملے کی مدد سے وہ گراﺅنڈ سے باہر گئے تاہم واضح طور پر نظر آرہا تھا کہ وہ چلتے وقت اپنا توازن برقرار نہیں رکھ پارہے ہیں ۔

(جاری ہے)

یہ سین ایبٹ کے لیے ایک تکلیف دہ لمحہ تھا جنہوں نے نومبر2014ءمیں کینگرو بلے باز فلپ ہیوگز کو وہ باﺅنسر کیا تھا جو ان کی گردن پر لگااور پھر ان کی موت کا باعث بن گیا،اس حادثے کے بعد جذباتی سین ایبٹ کو دوبارہ باﺅلنگ کے قابل ہونے کے لیے کافی وقت لگا تھا ۔

پیوکووسکی کو آسٹریلیا کے چند اچھے نوجوان بلے بازوں میں سے ایک مانا جاتا ہے تاہم وہ کئی مرتبہ ذہنی چکراﺅ کا شکا ر ہوچکے ہیں ، گزشتہ سیز ن میں اپنے فرسٹ کلاس ڈیبیو پر پیو کووسکی گیند لگنے کے باعث تین مہینے کیلئے کرکٹ کے میدانوں سے دور ہوگئے تھے ، 25سالہ فلپ ہیوگز کی موت نے دنیائے کرکٹ کو ہلا کررکھ دیا تھا ۔2016ءمیں ایک انکوئری کمیشن کی رپورٹ میں کہا گیا کہ ہیوگز خود اس بال کو سمجھنے میں ناکام رہے تھے اور اس حادثے کا الزام سین ایبٹ پر نہیں ڈالا جاسکتا ہے ، ہیوگز کی موت کے بعد ایک آزادانہ تحقیقات کی سفارشات کے نتیجے میں کرکٹ آسٹریلیا نے سر پر گیند لگنے کے حادثات کے نتیجے میں ڈومیسٹک ٹیموں کو متبادل کھلاڑی گراﺅنڈ میں اتارنے کی اجازت دیدی ۔