بابر اعظم کی تاریخی اننگ، پاکستان نے دوسرے ٹی ٹوئنٹی میچ میں بھی ونڈیز کیخلاف رنگ کا پہاڑ کھڑا کر دیا

محمد علی پیر 2 اپریل 2018 20:50

کراچی( اردو پوائنٹ تازہ ترین اخبار۔2اپریل 2018 ء) پاکستان اور ویسٹ انڈیز کے درمیان تین ٹی ٹونٹی میچز کی سیریز کے دوسرے میچ میں سرفراز الیون نے عالمی چیمپئن ٹیم کو جیت کیلئے 205رنز کا ہدف دیدیا ہے ۔ کراچی کے نیشنل اسٹیڈیم میں پاکستان کرکٹ ٹیم کے کپتان سرفراز احمد نے ٹاس جیت کر پہلے بیٹنگ کا فیصلہ کیا۔پاکستان کی جانب سے اننگز کا آغاز فخر زمان اور بابر اعظم نے کیا تاہم فخر زمان لمبی اننگز نہ کھیل سکے اور صرف 6 رنز بناکر ایمرٹ کی گیند پر آﺅٹ ہوگئے۔

اس وقت پاکستان کا مجموعی سکور صرف 11 رنز تھا۔بابر اعظم اور حسین طلعت نے دوسری وکٹ پر 100 سے زائد رنز کی پارٹنر شپ قائم کی اور دونوں نے اپنی نصف سنچریاں مکمل کیں۔یہ ٹی ٹونٹی انٹرنیشنل میچز میں حسین طلعت کی پہلی جبکہ بابر اعظم کی چوتھی نصف سنچری تھی۔

(جاری ہے)

پاکستان کو دوسرا نقصان 130 کے مجموعی سکور پر اٹھانا پڑا جب حسین طلعت 63 رنز بناکر کیچ آﺅٹ ہوگئے۔

آصف علی نے تیزی سے سکور آگے بڑھانے کی کوشش کی تاہم 14رنز بناکر آﺅٹ ہوگئے۔بابر اعظم کو اپنی پہلی ٹی ٹونٹی سنچری بنانے کا سنہری موقع ملا تاہم وہ اس سے فائدہ نہ اٹھا سکے اور97رنز کیساتھ ناٹ آﺅٹ رہے ۔ شعیب ملک نے 17رنز بنائے اور پاکستان نے بیس اوورز میں 205رنز کا ٹوٹل کھڑا کردیا ۔ یہ ٹی ٹوئنٹی کرکٹ میں پاکستان کی جانب سے بنایا جانے والا سب سے بڑا مجموعہ ہے۔ پاکستان نے دوسرے ٹی ٹونٹی میچ کے لیے ٹیم میں کوئی تبدیلی نہیں کی اور فاتح اسکواڈ کو برقرار رکھا ہے۔پہلے ٹی ٹونٹی میچ میں پاکستان نے ویسٹ انڈیز کو 143 رنز سے شکست دے کر سیریز میں 0-1 کی برتری حاصل کررکھی ہے۔

وقت اشاعت : 02/04/2018 - 20:50:38

Facebook Twitter Reddit Pinterest Whatsapp

مزید متعلقہ خبریں پڑھئیے‎ :

دوپاکستانی بھائی قطر انٹرنیشنل جونیئر اسکواش چیمپئن شپ کے ناک آٹ مرحلے میں پہنچ گئے

پاکستان کے دو بھائی قطر انٹرنیشنل جونیئر اسکواش چیمپئن شپ کے ناک آٹ مرحلے میں پہنچ گئے۔دوحہ میں جاری قطر انٹرنیشنل جونیئر اسکواش چیمپئن شپ میں پاکستان کے 14 سالہ عبداللہ زمان کوارٹر فائنل میں جبکہ ان کے چھوٹے بھائی 8 سالہ ریان زمان انڈر 11 کے سیمی فائنل ... مزید

پاکستان ماسٹرٹین پن بالنگ چیمپئن شپ 27 اپریل سے راولپنڈی میں شروع ہوگا

پاکستان ٹین پن بالنگ فیڈریشن کے زیر اہتمام پاکستان ماسٹر ٹین پن بالنگ چیمپئن شپ 27 اپریل سے لیزر سٹی بائولنگ کلب، جناح پارک، راولپنڈی میں شروع ہو گی۔گزشتہ روز پاکستان ٹین پن بالنگ فیڈریشن کے صدر اعجاز الرحمن نے بتایا کہ چیمپئن شپ کی تیاریاں زور و شور ... مزید

ٹی 20 سیریز:پاکستان اور ویسٹ انڈیز کی ٹیمیں جمعہ کومدمقابل ہوں گی

پاکستان اور ویسٹ انڈیز کی ویمن کرکٹ ٹیموں کے درمیان پانچ ٹی ٹونٹی بین الاقوامی میچوں پر مشتمل سیریز کا پہلا میچ 26 اپریل نیشنل سٹیڈیم کراچی میں کھیلا جائے گا،اس سے قبل مہمان ویسٹ انڈیز کی ٹیم تین ایک روزہ بین الاقوامی میچوں پر مشتمل سیریز میں میزبان پاکستان ... مزید

چیمپئیزٹرافی 2025 ؛ بھارتی میڈیا پاکستان مخالف مخالف مہم چلانے میں سرگرم

آئی سی سی چیمپئیز ٹرافی 2025 کی میزبانی کو لیکر بھارتی میڈیا ایک بار پھر پاکستان کرکٹ مخالف مہم چلانے میں سرگرم ہوگیا۔بھارت کے مقامی میڈیا نے بھارتی کرکٹ بورڈ کے عہدیدار سے بار کرتے ہوئے کہا کہ دو طرفہ سیریز بھول جائیں اور آئی سی سی چیمپئنز ٹرافی کھیلنے ... مزید