کامن ویلتھ گیمز ،پاکستان اور بھارت کے درمیان ہونے والا سنسنی خیز ہاکی میچ دو،دوگول سے برابر

پاکستان نے بھارت کے خلاف ہاکی میں مسلسل سات میچز میں شکست کے بعد پہلا میچ برابر کیا ہے

ہفتہ اپریل 13:08

کامن ویلتھ گیمز ،پاکستان اور بھارت کے درمیان ہونے والا سنسنی خیز ہاکی ..
گولڈ کوسٹ(اُردو پوائنٹ اخبارتازہ ترین۔ 07 اپریل2018ء) آسٹریلیا کے شہر گولڈ کوسٹ میں جاری 21 ویں کامن ویلتھ گیمز کے ہاکی ایونٹ میں پاکستان اور بھارت کا میچ دو دو گول سے برابر ہوگیا۔ میچ کے آغاز سے ہی بھارت نے جارحانہ انداز اختیار کیا اور کچھ ہی دیر میں دلپریت سنگھ نے گول داغ دیا۔ پہلے کوارٹر کے اختتام پر بھارت کو پاکستان کے خلاف ایک صفر کی برتری حاصل ہوگئی۔

دوسرے کوارٹر کے آغاز پر بھی بھارت نے دبا ئوبرقرار رکھا اور پاکستان کو دفاعی انداز اختیار کرنے پر مجبور کردیا۔ ہرمن پریت سنگھ نے بھارت کی جانب سے دوسرا گول کردیا۔ دوسرے ہاف میں پاکستانی کھلاڑیوں نے جارحانہ حکمت عملی اختیار کرتے ہوئے گول کرنے کی متعدد کوششیں کیں اور تیسرے کوارٹر میں پاکستان کی طرف سے محمد عرفان جونیئر گول کرنے میں کامیاب ہوگئے۔

(جاری ہے)

چوتھے کوارٹر میں بھی گرین شرٹس نے جارحانہ انداز برقرار رکھا اور تابڑ توڑ حملے کیے لیکن گول کرنے میں کامیاب نہ ہوسکے۔ میچ ختم ہونے میں صرف 10سیکنڈز باقی تھے کہ پاکستان کو پینالٹی کارنر مل گیا تاہم بھارتی گول کیپر گیند کو روکنے میں کامیاب ہوگئے اور یہ سنہری موقع ضائع ہوگیا۔ لیکن خوش قسمتی سے پاکستان کو ایک اور پینالٹی کارنر مل گیا جس پر مبشر علی نے آخری سیکنڈز میں گول کردیا۔ اس طرح میچ دو دو گول سے برابر ہوگیا۔پاکستان نے بھارت کے خلاف ہاکی میں مسلسل سات میچز میں شکست کے بعد پہلا میچ برابر کیا ہے۔

مزید متعلقہ خبریں پڑھئیے‎ :

وقت اشاعت : 07/04/2018 - 13:08:46

متعلقہ عنوان :

Your Thoughts and Comments