فٹبال فیڈریشن الیکشن کیس، سپریم کورٹ نے فٹبال فیڈریشن کے صدر کو (کل)طلب کرلیا

فٹبال فیڈریشن الیکشن کیس، سپریم کورٹ نے فٹبال فیڈریشن کے صدر کو (کل)طلب کرلیا

پیر اپریل 11:12 pm
اسلام آباد ۔ (اُردو پوائنٹ اخبارتازہ ترین۔ 16 اپریل2018ء) فٹبال فیڈریشن الیکشن کیس، سپریم کورٹ نے فٹبال فیڈریشن کے صدر فیصل صالح حیات کو کل منگل کو طلب کرلیا ہے۔ پیر کو چیف جسٹس میاں ثاقب نثارکی سربراہی میں تین رکنی بینچ نے فٹ بال فیڈریشن الیکشن کیس کی سماعت کی۔ چیف جسٹس نے ریمارکس دیے کہ ہمیں فیڈریشن کے ووٹرز کی فہرست دیں،فہرستیں اس لئے مانگ رہے ہیں تاکہ کل کواعتراض نہ ہو۔

چیف جسٹس نے کہا کہ ووٹرزفہرستیں دونوں جانب کے فریقین دستخط کرکے دیں۔چیف جسٹس نے استفسار کیا کہ فیڈریشن کے الیکشن کدھر ہوں گے۔۔فٹبال فیڈریشن کے وکیل نے بتایا کہ فیڈریشن

خبر کی مزید تفصیل پڑھئیے

کے الیکشن اسلام آباد میں ہوں گے، چیف جسٹس نے کہا کہ فیڈریشن الیکشن سپریم کورٹ ایڈیشنل رجسٹرار خواجہ دؤاد کروائیں گے،،الیکشن کب کرواناہے تاریخ دے دیں۔

(خبر جاری ہے)

وقفے کے بعد عدالت نے فیصل صالح حیات کو کل صبح نو بجے طلب کرلیا۔سماعت کے دوران چیف جسٹس نے جسٹس اعجازالاحسن کے گھر پر حملے سے متعلق ریمارکس دیتے ہوئے کہا کہ یہاں سپریم کورٹ بار کے صدر بھی موجود ہیں ،بار نے جس یکجہتی کااظہار کیااس پر شکر گزار ہیں ،مجھے اپنی بار پر فخر ہے، میرے کہنے پر بار نے ہڑتال واپس لی۔

مزید خبریں