MENU Open Sub Menu

دورہ انگلینڈ اور آئرلینڈ کی تیاریوں کے لئے شاہین کل سے قذافی سٹیڈیم میں اپنی مشقیں شروع کریں گے

منگل اپریل 12:55

لاہور۔17 اپریل(اُردو پوائنٹ اخبارتازہ ترین۔ 17 اپریل2018ء)دورہ انگلینڈ اور آئرلینڈ کے لئے قومی کرکٹ ٹیم کے تربیتی کیمپ کا دوسرا مرحلہ کل 18اپریل سے قذافی سٹیڈیم لاہور میں شروع ہوگا.کرکٹرز ہیڈ کوچ مکی آرتھر کی زیر نگرانی بیٹنگ بولنگ ،فیلڈنگ کی خامیاں دور کرنے کے لئے بھرپور ٹریننگ کریں گے ۔کیمپ 22 اپریل تک جاری رہے گا اور قومی اسکواڈ 23 اپریل کو انگلینڈ روانہ ہوگا۔

پہلا ٹیسٹ آئر لینڈ کے شہر ڈبلن میں 11 سے 15 مئی تک ہو گا، میزبان ٹیم اپنی تاریخ میں پہلی بار طویل فارمیٹ کا میچ کھیلے گی، انگلینڈ کے خلاف پہلا میچ 24 سے 28 مئی تک لارڈز، دوسرا یکم سے 5 جون تک لیڈز میں کھیلا جائے گا۔دونوں ملکوں کے خلاف سیریز کے لئے اعلان کردہ 16رکنی ٹیم میں کپتان سرفراز احمد ،اظہر علی ،سمیع اسلم ،امام الحق ،حارث سہیل ،بابر اعظم ،فخر زمان ،اسد شفیق ،عثمان صلاح الدین ،حارث خان ،محمد عامر ،محمد عباس ،حسن علی ،راحت علی ،فہیم اشرف اور سعد علی شامل ہیں ۔
وقت اشاعت : 17/04/2018 - 12:55:49

Your Thoughts and Comments