MENU Open Sub Menu

ملک میں کھیلوں کی ترقی کے لئے اکیڈمی کا قیام وقت کی اہم ضرورت ہے ،ْصباء شمیم جدون

منگل اپریل 15:52

اسلام آباد (اُردو پوائنٹ اخبارتازہ ترین۔ 17 اپریل2018ء) پاکستان تائیکوانڈو فیڈریشن (خواٹین ونگ) کی چیئرپرسن صباء شمیم جدون نے کہا ہے کہ ملک میں کھیلوں کی ترقی کیلئے اکیڈمی کا قیام وقت کی اہم ضرورت ہے ۔وہ گذشتہ روز پاکستان سپورٹس کمپلیکس میں اسوا فٹ بال اکیڈمی کے زیراہتمام انڈر 14 فٹ بال ٹورنامنٹ کی افتتاحی تقریب سے خطاب کررہے تھے ۔ انہوں نے کہا کہ ایسے کھیلوں کے مقابلوں سے ہماری نوجوان نسل کو کئی مختلف معاشرتی برائیوں سے بچایا جاسکتا ہے۔

انہوں نے کہا کہ کھیلوں کی اکیڈمیز کا قیام وقت کی اہم ضرورت ہے اورحکومت پر زور دیتے ہوئے انہوں نے کہا کہ ملک میں ضلعی سطح پر اکیڈمیز کا قیام عمل میں لایا جائے اور ان اکیڈمیز میں سات سال کی عمر تک کے بچوں کو کھیلوں میں تربیت دی جائے۔صباء شمیم جدون نے کہا کہ کسی بھی ملک کھیلوں کی ترقی میں تعلیمی اداروں کا بہت اہم کردار ہوتا ہے لیکن ہماری بدقسمتی کہ ہمارے ہاں ایسا نہیں ہورہا ہے جس کی وجہ ملک میں کھیلوں کا معیار دن بدن گرتا جا رہا ہے۔انہوں نے کہا کہ کامن ویلتھ گیمز میں میڈلز حاصل کرنے والے ریسلنگ اور ویٹ لیفٹنگ کے کھلاڑیوں کو مبارکباد دیتے ہوئے کہا کہ یہ کھلاڑی ہمارا اثاثہ ہیں اور حکومت جلد ان کھلاڑیوں کی حوصلہ افزائی کے لئے ان کو اعزازت سے نوازے۔
وقت اشاعت : 17/04/2018 - 15:52:42

Your Thoughts and Comments