سری لنکن کرکٹ بورڈ کے انتخابات 31 مئی کو ہوں گے

کولمبو(اُردو پوائنٹ اخبارتازہ ترین - آئی این پی۔ 19 مئی2018ء) سری لنکن وزارت کھیل نے اٹارنی جنرل ڈیپارٹمنٹ حکام سے مشاورت کے بعد سری لنکا کرکٹ بورڈ کو انتخابات کی اجازت دے دی، انتخابات 31 مئی کو ہوں گے۔

(جاری ہے)

سری لنکا کرکٹ نے ابتدائی طور پر 19 مئی کو انتخابات کا اعلان کر رکھا تھا تاہم وزارت کھیل کی مداخلت کے بعد اسے 27 اپریل کو انتخابات ملتوی کرنے پڑے تھے۔ سری لنکا کرکٹ بورڈ کی طرف سے جاری کردہ بیان کے مطابق وزارت کھیل نے انتخابات کی اجازت دے دی ہے اور اب انتخابات 31 مئی کو ہوں گے۔ واضح رہے کہ سری لنکا کرکٹ بورڈ کے موجودہ عہدیداران کی مدت 31 مئی کو ختم ہو جائے گی۔