فلسطینی بچوں کی لیونل میسی سے اپیل رنگ لے آئی
ارجنٹائن نے اسرائیل سے دوستانہ فٹبال میچ منسوخ کردیا
بدھ 6 جون 2018 11:53
ریو ڈی جنیرو(اردو پوائنٹ تازہ ترین اخبار۔ 6 جون 2018 ء) فلسطین کے شدید احتجاج کے بعد ارجنٹائن کی نیشنل فٹ بال ٹیم نے ورلڈ کپ 2018ءسے قبل اسرائیل سے کھیلا جانے والے دوستانہ میچ منسوخ کردیا ہے ۔ورلڈ کپ کی تیاریوں کے سلسلے میں اسرائیل اور ارجنٹینا کے درمیان 9 جون کو مقبوضہ بیت المقدس کے ٹیڈی اسٹیڈیم میں دوستانہ میچ ہونا تھا، جو ورلڈ کپ سے قبل ارجنٹائن کا آخری وارم اپ میچ تھا تاہم فلسطین کی جانب سے شدید احتجاج سامنے آنے کے بعد ارجنٹائن کی فٹ بال ایسوسی ایشن نے 9 جون کو ہونے والا میچ منسوخ کردیا۔ارجنٹائن کی سپورٹس ویب سائٹ”مینیٹونو“کے مطابق قومی فٹ بال ٹیم کے کپتان لیونل میسی کی ہدایت پر مقبوضہ بیت المقدس میں اسرائیل کے ساتھ ہونے والا میچ منسوخ کیا گیا ہے۔
دوسری جانب ارجنٹائن میں فلسطینی سفیر حسنی عبدالوحید نے دوستانہ میچ کی شدید مخالفت کی تھی، جن کا کہنا تھا کہ ارجنٹائن اور اسرائیل کے درمیان اگر میچ ہوا تو اسے اسرائیل کے 70 سالہ قیام پر جشن کے مترادف سمجھا جائے گا۔یاد رہے کہ اسرائیل نے 1948 ءمیں فلسطین کی سرزمین پر قبضہ کرلیا تھا جس کے 70 سال مکمل ہوگئے ہیں ۔ارجنٹائن میں تعینات فلسطینی سفیر کا کہنا تھا کہ مقبوضہ بیت المقدس میں میچ کا انعقاد ہمارے لیے ناقابل قبول ہے کیوں کہ یہ مقبوضہ علاقہ ہے اور وہاں ایسی ٹیم کو کھیلتا دیکھنا قابل تکلیف ہوگا جس کے حامیوں کی فلسطین اور عرب دنیا میں بڑی تعداد ہے۔ اس سے قبل 70 فلسطینی بچوں کے ایک گروپ نے لیونل میسی کو ایک خط لکھا تھا جس میں بچوں نے میسی سے اسرائیل کے خلاف دوستانہ میچ میں شرکت نہ کرنے کی درخواست کی تھی۔فلسطینی فٹ بال ایسوسی ایشن کے صدر جبریل رجب کا بھی کہنا تھا کہ لیونل میسی امن اور پیار کی علامت ہیں، اس لیے ہم نہیں چاہیں گے کہ وہ مقبوضہ علاقے میں اپنے آباﺅ اجداد کی قبروں پر کھیلے جانے والے میچ کا حصہ بنیں۔ انہوں نے عرب اور تمام مسلم ممالک میں میسی کے مداحوں سے اپیل کی تھی کہ اگر اسرائیل اور ارجنٹائن کے درمیان میچ ہوا تو میسی اور ارجنٹائن کی شرٹس اور تصاویر کو نذرآتش کردیا جائے۔
(جاری ہے)
وقت اشاعت : 06/06/2018 - 11:53:37
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
رکن صوبائی اسمبلی حنیف خان پتافی کا سپورٹس کمپلیکس ڈیرہ غازی خان کا دورہ،انتظامات پر تشویش کا اظہار
-
اے سی سی پریمیئر کپ سیمی فائنل، اومان نے ہانگ کانگ کو 5 وکٹوں سے شکست دے کر فائنل کیلئے کوالیفائی کرلیا
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
آئی سی سی چیمپیئنز ٹرافی کو لیکر بھارت نے ایک مرتبہ پھر پاکستان کیخلاف پروپیگنڈہ شروع کردیا
-
کھیلوں کے نئے ٹیلنٹ کی تلاش کیلئے سندھ اسپورٹس سٹی بنائیں گی: وزیر کھیل سندھ
-
بھارت کے 2 پہلوان ایشین اولمپک کوالیفائر میں شرکت سے محروم ہوگئے