کرسٹیانورونالڈو کا فلسطینی بچوں کیلئے ایک اور پیار بھرا اقدام
سوشل میڈیا صارفین سٹار فٹبالر کے گن گانے پر مجبور
منگل 19 جون 2018 11:29
ماسکو(اردو پوائنٹ تازہ ترین اخبار۔19جون 2018 ء) پرتگال کے مایہ نازفٹ بالرکرسٹیانورونالڈو نے فلسطینی بچوں کیلئے ایک اور پیار بھرا اقدام کرتے ہوئے اپنا دوسرا گولڈن بوٹ ایوارڈ نیلام کرنیکااعلان کردیا۔میڈیا رپورٹ کے مطابق رونالڈو نے پہلاایوارڈ میک اے وش چیریٹی کیلئے نیلام کیا تھا جس سے ساڑھے آٹھ کروڑ روپے حاصل ہوئے تھے۔اب گولڈن بوٹ ایوارڈ کی نیلامی سے چھپن کروڑروپے حاصل ہونے کاامکان ہے۔یاد رہے کہ فیفا ورلڈ کپ میں گروپ ’بی ‘ کی ٹیموں پرتگال اور اسپین کے درمیان میچ سنسنی خیز مقابلے کے بعد تین، تین گول سے برابر ہوگیا تھا ،سٹار فٹ بالر کرسٹیانو رونالڈو نے ایونٹ کی پہلی ہیٹ ٹرک بنائی۔سوچی میں دونوں ٹیموں کے درمیان کھیلا گیا میچ انتہائی دلچسپ رہا، میچ کے چوتھے منٹ میں ہی رونالڈو کو پنالٹی ایریا میں گرانے کے سبب ریفری نے پرتگال کو پنالٹی کک ایوارڈ کی جس پر پرتگیزی کپتان نے گول کرکے ٹیم کو برتری دلادی۔
بیس منٹ بعد سپینش ٹیم کے سٹار کھلاڑی ڈیاگو کوسٹا نے حریف دفاعی کھلاڑی اور گول کیپر کو چکمہ دے کر گیند جال میں پہنچادی۔پہلا ہاف ختم ہونے سے دو منٹ پہلے رونالڈو کو گول کرنے کا پھر موقع مل گیا جو انہوں نے ضائع نہیں کیا ،یوں پہلا ہاف2-1کے ساتھ پرتگال کی برتری پر ختم ہوا۔دوسرے ہاف کے دسویں منٹ میں ڈیاگو کوسٹا نے پھر گول کرکے میچ برابر کردیا، صرف تین منٹ بعد سپین کے نیچو نے شاندار کک پر گیند کو جال میں پہنچا کر میچ میں پہلی بار اسپین کو برتری دلادی۔پرتگال نے ایک گول کے خسارے میں جانے کے باوجود حریف ٹیم کے گول پر حملے جاری رکھے، اسی دوران رونالڈو نے 88 ویں منٹ میں گول کرکے نا صرف اپنی ہیٹ ٹرک مکمل کرلی بلکہ میچ بھی تین، تین سے برابر کردیا۔یہ کرسٹیانو رونالڈو کے کیریئر (کلب اور ملک کی طرف سے)کی مجموعی طور پر 51 ویں ہیٹ ٹرک تھی۔
(جاری ہے)
وقت اشاعت : 19/06/2018 - 11:29:15
مزید متعلقہ خبریں پڑھئیے :
متعلقہ عنوان :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
رکن صوبائی اسمبلی حنیف خان پتافی کا سپورٹس کمپلیکس ڈیرہ غازی خان کا دورہ،انتظامات پر تشویش کا اظہار
-
اے سی سی پریمیئر کپ سیمی فائنل، اومان نے ہانگ کانگ کو 5 وکٹوں سے شکست دے کر فائنل کیلئے کوالیفائی کرلیا
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
آئی سی سی چیمپیئنز ٹرافی کو لیکر بھارت نے ایک مرتبہ پھر پاکستان کیخلاف پروپیگنڈہ شروع کردیا
-
کھیلوں کے نئے ٹیلنٹ کی تلاش کیلئے سندھ اسپورٹس سٹی بنائیں گی: وزیر کھیل سندھ
-
بھارت کے 2 پہلوان ایشین اولمپک کوالیفائر میں شرکت سے محروم ہوگئے