قومی کپتان سرفراز احمد کے حق میں بڑی آواز بلند ہوگئی
سرفراز پر تنقید کے بجائے اسے سپورٹ کیا جائے، عبدالقادر
ذیشان مہتاب پیر 24 ستمبر 2018 15:02
لاہور(اردو پوائنٹ اخبارتازہ ترین۔24 ستمبر2018ء) پاکستان کے سابق ٹیسٹ کرکٹر اور اپنے دور کے بہترین سپنرز میں شمار کیے جانے والے باﺅلر عبدالقادر نے کہا ہے کہ پاکستان اوربھارت کے درمیان کرکٹ سیریزکا انعقاد بہت ضروری ہے۔سلیکٹر ہوتا تو ایشیا کپ کے لیے پاکستانی سکواڈ میں محمد حفیظ کو ضرور شامل کرتا، سرفراز احمد ایک بہترین فائٹر ہونے کے سبب اچھا کپتان ہے جسے سپورٹ کرنے کی ضرورت ہے، نیشنل سٹیڈیم میں میڈیا سے گفتگو کرتے ہوئے انھوں نے کہا کہ پاکستان اور بھارت کے درمیان کرکٹ مقابلے ہمیشہ سے اہمیت کے حامل اور دلچسپی کا باعث رہے ہیں، ان دونوں ممالک کے درمیان ٹیسٹ سیریز انگلینڈ اور آسٹریلیا کے مابین کھیلی جانےوالی ایشز سیریز سے بڑی سیریزکی حیثیت اختیارکرسکتی ہے، ایک اور سوال پر انھوں نے کہا کہ کپتان سرفراز احمد کو بلاوجہ تنقید کا نشانہ بنایا جارہا ہے ہماری عادت ہے کہ ہم یکدم سر پربھٹالیتے ہیں اوریک لخت زمین پربھی گرا دیتے ہیں۔
سرفراز احمد ایک اچھے فائٹر ہیں اورپاکستان ٹیم کی بہترین انداز میں قیادت کر رہے ہیں، ضرورت اس امر کی ہے کہ سرفراز احمد کو بھرپور سپورٹ کیا جائے اور بے جا دباو¿ کا شکار نہ بنایا جائے تاہم سرفراز کو اعتماد کے ساتھ اپنی بیٹنگ کو بھی بہتر بنانے کی ضرورت ہے۔ایک اور سوال پر انھوں نے کہا کہ پاکستان کرکٹ ٹیم کے پاس اس وقت صرف 4 ہی بہترین بیٹسمین ہیں ان میں تجربہ کار شعیب ملک، ابھرتے ہوئے با صلاحیت بابر اعظم، فخر زمان اورامام الحق شامل ہیں۔اگرمیں سلیکٹرہوتا توایشیا کپ کے لیے قومی ٹیم میں سابق کپتان محمد حفیظ کو ضرور شامل کرتا، وہ سینئر بیٹسمین ہونے کےساتھ بولنگ کے شعبے میں بھی کارگر ثابت ہوسکتے تھے، ایک سوال کے جواب میں عبدالقادر نے کہا کہ کرکٹ میں افغانستان کا مستقبل بہت روشن نظرآرہا ہے۔وقت کے ساتھ ساتھ یہ ٹیم بہتر ہوتی چلی جائے گی، اس وقت افغان ٹیم کو کم از کم 2 تیز بولرز کی ضرورت ہے تاہم اس کے پاس اچھے سپنرز ضرور ہیں۔
(جاری ہے)
وقت اشاعت : 24/09/2018 - 15:02:46
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
چوتھے ٹی ٹونٹی میں رنز کی برسات ہونے کا امکان
-
پریذیڈنٹ کپ ون ڈے ٹورنامنٹ میں کل بروزجمعہ کو مزید تین میچوں کا فیصلہ ہو گا
-
پریذیڈنٹ کپ ون ڈے ٹورنامنٹ میں غنی گلاس نے ایس این جی پی ایل کو 5 وکٹوں سے ہرادیا
-
کیا محمد رضوان آئرلینڈ جائیں گے؟ بابر اعظم نے بتا دیا
-
انڈین پریمیئر لیگ ،دہلی کیپٹلز نے سنسنی خیز مقابلے کے بعد گجرات ٹائٹنز کو4رنز سے ہرادیا
-
پاکستان اور ویسٹ انڈیز کی ویمن کرکٹ ٹیموں کے درمیان پہلا ٹی ٹونٹی میچ جمعے کو کھیلا جائے گا