پاکستان اور بنگلہ دیش ویمن ٹیمیں تیسرے ٹی ٹونٹی انٹرنیشنل میچ میں کل مدمقابل ہوں گی

ڈھاکہ (اُردو پوائنٹ اخبارتازہ ترین - این این آئی۔ 04 اکتوبر2018ء) پاکستان اور بنگلہ دیش کی ویمن کرکٹ ٹیموں کے درمیان چار ٹی ٹونٹی میچوں پر مشتمل سیریز کا تیسرا میچ کل جمعہ کو کھیلا جائے گا۔

(جاری ہے)

شیڈول کے مطابق دونوں ٹیموں کے درمیان چار میچوں کی سیریز کا تیسرا میچ (آج) 5 اکتوبر کو کھیلا جائیگا جبکہ چوتھا اور آخری ٹی ٹونٹی میچ 6 اکتوبر کو کھیلا جائیگا اس کے بعد دونوں ٹیموں کے درمیان شیڈول واحد ون ڈے انٹرنیشنل میچ 8 اکتوبر کو کھیلا جائے گا۔

یاد رہے کہ پاکستانی ٹیم کو بنگلہ دیشی ٹیم کے خلاف چار میچوں کی سیریز میں 1-0 کی برتری حاصل ہے، دونوں ٹیموں کے درمیان سیریز کا پہلا میچ بارش کی نذر ہوگیا جبکہ دوسرے میچ میں پاکستان نے بنگلہ دیشی ویمن کرکٹ ٹیم کو 58 رنز سے شکست دیکر چار میچوں کی سیریز میں 1-0 کی برتری حاصل کر لی۔