آسٹریلیا کےخلاف ٹی ٹونٹی سیریز سے قبل قومی ٹیم کےلئے بڑی خوشخبری آگئی
سرفراز کی فٹنس میں بہتری، آسٹریلیا کے خلاف پہلے ٹی 20 میں شرکت کیلئے پرعزم
ذیشان مہتاب پیر 22 اکتوبر 2018 12:53
ابو ظہبی(اردو پوائنٹ تازہ ترین اخبار۔ 22اکتوبر2018ء) قومی کرکٹ ٹیم کے کپتان سرفراز احمد کی فٹنس میں بہتری آئی ہے اور وہ بدھ کو آسٹریلیا کے خلاف پہلے ٹی 20 میں شرکت کے لیے پرعزم ہیں۔قومی کرکٹ ٹیم کے کپتان سرفراز احمد کی فٹنس میں بہتری آئی ہے اور وہ پریکٹس سیشن میں حصہ لیں گے، دو دن آرام سے انھیں فائدہ ہوا اور اب سر میں تکلیف کم ہو گئی ہے،وہ بدھ کو آسٹریلیا کے خلاف پہلے ٹی ٹونٹی میں شرکت کیلئے پرعزم ہیں۔یاد رہے کہ آسٹریلیا کیخلاف ابوظبی ٹیسٹ کی دوسری اننگز میں بیٹنگ کے دوران سرفراز کے ہیلمٹ پر گیند لگ گئی تھی جس کی وجہ سے چوتھے دن محمد رضوان سے وکٹ کیپنگ کرائی گئی تھی، سرفراز کو ڈاکٹر نے 48 گھنٹے آرام کا مشورہ دیا تھا، اسی میچ کی پہلی اننگز میں بھی دوران بیٹنگ سرفراز کے بازو پر گیند لگ گئی تھی جس کے بعد رضوان کو بطور وکٹ کیپر استعمال کرنے کا فیصلہ کیا گیا تھا، اس کے لیے میچ ریفری سے خصوصی اجازت لی گئی تھی، رضوان اے ٹیم کے ساتھ پہلے ہی یو اے ای میں موجود تھے۔
آسٹریلیا کے خلاف 3ٹی ٹونٹی میچز کی سیریز کے لیے 15 رکنی قومی سکواڈ کا اعلان کردیا گیا ہے ،تجربہ کار لیفٹ آرم فاسٹ باﺅلرمحمد عامر کو ڈراپ کیا گیا ہے جب کہ فٹنس معیار پر پورا اترنے کے بعد آل راﺅنڈر عماد وسیم کی ٹیم میں واپسی ہوئی ہے ایک اور لیفٹ آرم فاسٹ باﺅلر وہاب ریاض کو بھی ٹیم میں شامل نہیں کیاگیا۔ منتخب کردہ ٹیم میں سرفراز احمد(کپتان و وکٹ کیپر)، فخرزمان، محمد حفیظ، صاحب زادہ فرحان، بابر اعظم، شعیب ملک، آصف علی، حسین طلعت، شاہین شاہ آفریدی،عثمان شنواری، عماد وسیم، حسن علی، فہیم اشرف، شاداب خان اور وقاص مقصود شامل ہیں۔ ٹی ٹونٹی میچز 24،26 اور 28 اکتوبر کو متحدہ عرب امارات میں ہوں گے۔
(جاری ہے)
وقت اشاعت : 22/10/2018 - 12:53:34
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
ڈی جی اسپورٹس بورڈ شعیب کھوسو کو عہدے سے ہٹا دیا گیا
-
نیشنل ویمنز ون ڈے ٹورنامنٹ ، کوئٹہ، ملتان اور لاہور کی اپنے میچوں میں کامیابیاں
-
نیوزی لینڈ کرکٹ ٹیم کا ٹریننگ سیشن راولپنڈی میں بارش کے سبب منسوخ کر دیا گیا
-
وزیراعظم یوتھ ٹیلنٹ ہنٹ پروگرام کے تحت ٹیبل ٹینس صوبائی لیگ کا آغاز ، معاون خصوصی مشعود احمد خان نے افتتاح کیا
-
انگلش پریمیئر لیگ میں (کل) مزید 2کھیلے جائیں گے
-
پاکستان اورویسٹ انڈیز کی ویمن ٹیموں کے درمیان ون ڈے سیریز کا دوسرا میچ 21 اپریل کو کھیلا جائے گا