علی ترین کا پی ایس ایل میں فرنچائز کی خریداری کے فیصلے پر نظر ثانی کا اعلان
بولی میں قیمت زیادہ ہونیکی خبر کے باعث یہ فیصلہ کیا ہے : رہنما پی ٹی آئی
ذیشان مہتاب پیر 17 دسمبر 2018 13:26
لاہور (اردوپوائنٹ اخبارتازہ ترین۔17دسمبر2018ء) پاکستان تحریک انصاف (پی ٹی آئی ) کے سینئر رہنما جہانگیر خان ترین کے بیٹے علی ترین کا کہنا ہے کہ وہ پاکستان سپر لیگ میں اپنی چھٹی ٹیم کو خریدنے کے فیصلے پر نظر ثانی کرنے کا سوچ رہے ہیں ۔ لودھراں سے تعلق رکھنے نوجوان سیاستدان نے ملتان سلطانز کو خریدنے میں دلچسپی ظاہر کی تھی ۔علی ترین نے سوشل میڈیا ویب سائٹ ٹویٹر پر پی ایس ایل فرنچائز ملتان سلطانز کی قیمت کے حوالے سے خیالات کا اظہار کرتے ہوئے لکھا کہ ” گزشتہ سال جب ملتان سلطانز کو5.2ملین ڈالرز میں بیچا گیا تو مجھے لگا کہ یہ قیمت کچھ زیادہ ہی ہے ،ایک سال بعد اس فرنچائزکے مالک پی سی بی کو فیس ادا کرنے میں ناکام رہے جس کے باعث اب اس کو دوبارہ فروخت کرنیکا منصوبہ بنایا جارہا ہے ،اس ٹیم کو جنوبی پنجاب میں رکھنے کے لیے میں نے 4ملین ڈالرز کی بولی دینے کا فیصلہ کیا تھا لیکن خبر یہ ہے کہ پھر5ملین کراس ہوگا،اب میں اپنے فیصلے پر نظر ثانی کررہا ہوں“۔
گزشتہ مہینے انہوں نے میڈیا سے گفتگو میں پی ایس ایل کی چھٹی ٹیم(سابقہ ملتان سلطانز) کو خریدنے میں دلچسپی کا اظہار کیا تھا ، ان کا مزید کہنا تھا کہ وہ پی ایس ایل کے چوتھے ایڈیشن میں ٹیم خریدنا چاہتے ہیں جس کے لیے انہوں پاکستان کرکٹ بورڈ کے اعلی حکام سے لاہور میں دو سے تین ملاقاتیں بھی کی ہیں جب کہ فرنچائز کی خریدار کی بولی کے لیے ابتدائی کام بھی مکمل کرلیا ہے ۔یاد رہے کہ پاکستان کرکٹ بورڈ نے 10نومبر کو واجبات کی عدم ادائیگی پر شو ن پراپر ٹیز سے ملتان سلطانز کی ملکیت کے حقوق واپس لے لیے تھے اور تمام معاملا ت اپنے ہاتھ میں لے لیے تھے جب کہ پی ایس ایل فور کے ڈرافٹ کے دوران ”چھٹی ٹیم “ کے طور پر اس کے سکواڈ کا انتخاب کیا گیا تھا ۔
(جاری ہے)
وقت اشاعت : 17/12/2018 - 13:26:32
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
پی سی بی کا قابلِ ستائش اقدام، بے سہارا و یتیم بچوں کو میچ دیکھنے کی دعوت دیدی
-
شاداب خان نے نائب کپتان بننے کے حوالے سے خاموشی توڑ دی
-
شاداب خان پاکستانی بلے بازوں کو اپنا سٹرائیک ریٹ بہتر کرتا دیکھنے کے خواہاں
-
انگلش پریمیئر لیگ ، آرسنل کی ٹیم نے یکطرفہ مقابلے کے بعد چیلسی کو 0-5 گول سے ہرا دیا
-
ہندوستانی ٹیم چیمپئنز ٹرافی 2025ء کیلئے پاکستان کا سفر نہیں کرے گی: بھارتی میڈیا رپورٹس
-
پاکستان اور ویسٹ انڈیز کی کرکٹ ویمن ٹیموں کے درمیان پانچ ٹی ٹونٹی میچو کی سیریز کا آغاز 26 اپریل کو ہوگا