ویرات کوہلی اہلیہ انوشکا شرما کی فلاپ فلم کی تعریف کرنے پرمذاق کا نشانہ بن گئے
فلم ” زیرو“ رواں سال کی آخری بڑی ریلیز ہونے والی فلم تھی
ذیشان مہتاب منگل 25 دسمبر 2018 15:15
نئی دہلی(اردو پوائنٹ تازہ ترین اخبار۔25دسمبر2018ء) بھارتی کپتان ویرات کوہلی کی بلے بازی کے دنیا بھر میں مداح موجود ہیں تاہم جب انہو ں نے اپنی اہلیہ اور بالی ووڈ اداکارہ انوشکا شرما کی ’فلاپ ‘ فلم ”زیرو“ کی کھل کر تعریف کی تو سوشل میڈیا صارفین نے بھی جی بھر کر بھارتی کپتان کا مذاق اڑایا ۔ ویرات کوہلی نے نہ صرف انوشکا شرما کی فلم کی خوب تعریف کی تھی بلکہ اس فلم میں ان کی اداکاری کو ’شاندار‘ بھی قراردیا تھا ،انہوں نے سوشل میڈیا ویب سائٹ ٹویٹر پر اپنے خیالات کا اظہار کرتے ہوئے لکھا کہ ”میں نے فلم’ زیرو‘ دیکھی اور اس سے خوب لطف اندوز ہوا،ہر کسی نے اپنا کردار بہترین طریقے سے نبھایا، انوشکا شرما کی اداکاری لاجواب رہی کیوں کہ میرے خیال میں ان کا کردار انتہائی چیلنجنگ تھا اور انہوں نے اپنے کردار سے خوب انصاف کیا “۔
اس فلم کو شائقین اور نقادوں کی جانب سے کڑی تنقید کا سامنا کرنا پڑرہا ہے او ر کوہلی کے مداحوں نے بھی موقع سے فائد ہ اٹھاتے ہوئے بھارتی کپتان کا دل کھول کر مذاق اڑا یا ،ایک ٹویٹر صارف نے لکھا”لڑکی کا چکر بابو بھیا ،لڑکی کا چکر“ ،ایک اور صارف نے اپنے خیالات کا اظہار کرتے ہوئے لکھا کہ ”بھائی کہاں پیسے ضائع کردیئے ، لوکیش راہول کی بیٹنگ دیکھ لیتے “، دیگر ٹویٹر صارفین نے بھی انوکھے طریقے سے ویرات کوہلی کا مذاق اڑایا ، یاد رہے کہ شاہ رخ خان کی فلم ” زیرو“ رواں سال کی آخری بڑی ریلیز ہونے والی فلم تھی اوراسے سال کی ہٹ ترین فلم قرار دیا جارہا تھا لیکن ابھی تک نقادوں کی جانب سے اس فلم کو کچھ زیادہ اچھے ریویوز نہیں ملے ۔
(جاری ہے)
وقت اشاعت : 25/12/2018 - 15:15:26
مزید متعلقہ خبریں پڑھئیے :
متعلقہ عنوان :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
چوتھے ٹی ٹونٹی میں رنز کی برسات ہونے کا امکان
-
پریذیڈنٹ کپ ون ڈے ٹورنامنٹ میں کل بروزجمعہ کو مزید تین میچوں کا فیصلہ ہو گا
-
پریذیڈنٹ کپ ون ڈے ٹورنامنٹ میں غنی گلاس نے ایس این جی پی ایل کو 5 وکٹوں سے ہرادیا
-
کیا محمد رضوان آئرلینڈ جائیں گے؟ بابر اعظم نے بتا دیا
-
انڈین پریمیئر لیگ ،دہلی کیپٹلز نے سنسنی خیز مقابلے کے بعد گجرات ٹائٹنز کو4رنز سے ہرادیا
-
پاکستان اور ویسٹ انڈیز کی ویمن کرکٹ ٹیموں کے درمیان پہلا ٹی ٹونٹی میچ جمعے کو کھیلا جائے گا