شاہد آفریدی نے میری انٹرنیشنل کرکٹ میں واپسی کیلئے رکاوٹ ڈالی : سلمان بٹ
وقار یونس،ہارون رشید ورلڈ ٹی ٹونٹی 2016ءکھلانا چاہتے تھے، آفریدی نے منع کردیا:سابق کپتان کا تہلکہ خیز انکشاف
ذیشان مہتاب بدھ 2 جنوری 2019 14:12
لاہور(اردو پوائنٹ تازہ ترین اخبار۔ 2جنوری 2019ء) 2010ءکے سپاٹ فکسنگ کیس کے مرکزی کردار اور قومی ٹیم کے سابق کپتان سلمان بٹ کا کہنا ہے کہ آل راﺅنڈر شاہد آفریدی نے میری انٹرنیشنل کرکٹ میں واپسی کیلئے رکاوٹ ڈالی تھی ۔ ”اردو پوائنٹ “ سے خصوصی گفتگو کرتے ہوئے 34سالہ سلمان بٹ کا کہنا تھا کہ ٹی ٹونٹی ورلڈ کپ 2016 ءکے لیے اس وقت کے ہیڈ کوچ وقاریونس نے مجھے قومی ٹیم میں شامل کرنیکا فیصلہ کرلیا تھا، اس وقت کے چیف سلیکٹر ہارون رشید اور بیٹنگ کوچ گرانٹ فلاور بھی مجھے کھلانے کا حق میں تھے جب کہ ٹیم مینجمنٹ نے مجھے نیشنل کرکٹ اکیڈمی بلا کر نیٹ پریکٹس بھی کرائی۔سلمان بٹ کا کہنا تھا کہ اس وقت کے ٹیم کے کپتان شاہد آفریدی میری واپسی کے سخت مخالف ہوگئے اور انہوںنے ہی میری ٹی ٹونٹی ورلڈ کپ 2016ءکے لیے سلیکشن میں رکاوٹ ڈالی جس کے باعث میں قومی ٹیم میں شامل نہیں ہوسکا،مجھے اب بھی یہ حیرت ہے کہ کوئی انفرادی طور پر کیسے کسی کو واپسی کیلئے روک سکتا ہے ۔
سلمان بٹ کا مزید کہنا تھاکہ 2017ءمیں ویسٹ انڈیز کے دورے سے قبل بھی مجھے قومی ٹیم میں شامل کیے جانے کا گرین سگنل دیا گیا تاہم اسی دوران پاکستان سپر لیگ میں شرجیل خان اور دیگر کھلاڑیوں کی جانب سے سپاٹ فکسنگ کامعاملہ سامنے آگیا جس کے بعد کرکٹ بورڈ نے مجھ سے رابطہ کرکے کہا کہ اس وقت آپ کو ٹیم میں شامل کرنے سے غلط پیغام جائے گا اور یوں میں ٹیسٹ ٹیم کے ساتھ ویسٹ انڈیز نہیں جاسکا ۔سلمان بٹ نے کرکٹ بورڈ سے سوال کیا کہ قومی ٹیم میں واپسی کے لیے میں فارم، فٹنس، ری ہیبلیٹیشن مکمل کرچکا ہوں ، مزید کیا کروں ؟۔یاد رہے کہ سلمان بٹ نے 2003ءسے 2010ءکے دوران 33ٹیسٹ ،78ون ڈے اور24ٹی ٹونٹی مقابلوں میں پاکستان کی نمائندگی کی اور وہ سعید انور کے بعد قومی ٹیم کے چند قابل اعتماد اوپنرز میں شمار کیے جاتے تھے۔
(جاری ہے)
وقت اشاعت : 02/01/2019 - 14:12:04
مزید متعلقہ خبریں پڑھئیے :
متعلقہ عنوان :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
نیوزی لینڈ کے خلاف ٹی 20 سیریز میں اچھی کارکردگی کا مظاہرہ کریں گے ، بابر اعظم
-
پاکستان اور نیوزی لینڈ کے درمیان ٹی 20 سیریز کی ٹرافی کی رونمائی کر دی گئی
-
راولپنڈی کرکٹ سٹیڈیم میں پاکستان نیوزی لینڈ کرکٹ میچز کے حوالے سے راولپنڈی پولیس کے فول پروف سکیورٹی انتظامات
-
کمشنر لاہور کی زیر صدارت پاک نیوزی لینڈ ٹی ٹونٹی میچز کی سکیورٹی و انتظامات کے حوالے سے اجلاس
-
سوشل میڈیا پر میرا کوئی اکائونٹ نہیں، سابق کرکٹر سعید انور
-
پاکستان نیوزی لینڈ سیریز کیلئے کمنٹری پینل کا اعلان