حارث سہیل ٹیسٹ سیریز سے باہر ہونے پر افسردہ
انجری کے سبب انٹرنیشنل ٹور چھوڑنے کا کبھی اچھا احساس نہیں ہوتا:مڈل آرڈر بیٹسمین
ذیشان مہتاب جمعہ 11 جنوری 2019 16:46
لاہور(اردو پوائنٹ تازہ ترین اخبار۔11جنوری2019ء) قومی ٹیم کے مڈل آرڈر بیٹسمین حارث سہیل جنوبی افریقہ کے خلاف ٹیسٹ سیریز سے محرومی پر افسردہ ہیں،ان کا کہنا ہے کہ انجری کے سبب انٹرنیشنل ٹور چھوڑنے کا کبھی اچھا احساس نہیں ہوتا۔حارث سہیل کے مطابق ٹیسٹ سیریز سے محرومی دل ٹوٹ جانے کے مترادف ہے کیونکہ وہ سائیڈ میچ میں ناقابل شکست نصف سنچری کے بعد ٹیسٹ میچوں پر نگاہیں مرکوز کر چکے تھے۔ یاد رہے کہ ابتدائی دو ٹیسٹ میچوں کے دوران نیٹ پریکٹس نہ کرنے کے سبب انہیں پورے ٹور کیلئے ان فٹ قرار دے دیا گیا۔حارث سہیل کا کہنا تھا کہ وہ دوسرے ٹیسٹ سے قبل فٹنس کی بحالی کے لیے پرامید تھے لیکن طبی معائنے کے بعد اندازہ ہوا کہ انجری سے مکمل نجات کے لیے کچھ وقت مزید درکار ہوگا لہٰذا انہیں بحالی صحت کے پروگرام کی غرض سے وطن واپس آنا پڑا اور انہیں امید ہے کہ چار ہفتے کی مدت میں وہ اپنی مکمل فٹنس بحال کر لیں گے۔
کیریئر کے دوران انجری کی مشکلات سے دوچار رہنے والے بائیں ہاتھ کے بیٹسمین نے واضح کیا کہ ٹیسٹ میچز سے محرومی کی مایوسی میں میڈیا کی جانب سے منفی خبروں نے بھی اضافہ کیا تاہم وہ اپنے پرستاروں اور ساتھی پلیئرز کو یقین دلاتے ہیں کہ انہیں قومی ٹیم کے لیے اپنی ذمہ داریوں کا اندازہ ہے اور وہ صحت کی بحالی کے لیے شروع ہونے والے پروگرام میں اپنی جانب سے کوئی کسر نہیں چھوڑیں گے اور مکمل فٹنس کے ساتھ ایک بار پھر ان کی قومی ٹیم میں واپسی ہو گی۔واضح رہے کہ جنوبی افریقہ میں سائیڈ میچ کے دوران دائیں گھٹنے کی انجری کے باعث وطن واپسی پر مجبور بلے باز کا آئندہ ہفتے سے نیشنل کرکٹ اکیڈمی میں بحالی صحت پروگرام شروع ہوگا۔
(جاری ہے)
وقت اشاعت : 11/01/2019 - 16:46:38
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
رکن صوبائی اسمبلی حنیف خان پتافی کا سپورٹس کمپلیکس ڈیرہ غازی خان کا دورہ،انتظامات پر تشویش کا اظہار
-
اے سی سی پریمیئر کپ سیمی فائنل، اومان نے ہانگ کانگ کو 5 وکٹوں سے شکست دے کر فائنل کیلئے کوالیفائی کرلیا
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
آئی سی سی چیمپیئنز ٹرافی کو لیکر بھارت نے ایک مرتبہ پھر پاکستان کیخلاف پروپیگنڈہ شروع کردیا
-
کھیلوں کے نئے ٹیلنٹ کی تلاش کیلئے سندھ اسپورٹس سٹی بنائیں گی: وزیر کھیل سندھ
-
بھارت کے 2 پہلوان ایشین اولمپک کوالیفائر میں شرکت سے محروم ہوگئے