اے سی سی ٹی ٹوئنٹی ویسٹرن ریجن میں سعودی عرب کی پہلی کامیابی، مالدیپ کو شکست

بدھ 23 جنوری 2019 22:00

اے سی سی ٹی ٹوئنٹی ویسٹرن ریجن میں سعودی عرب کی پہلی کامیابی، مالدیپ کو شکست
جدہ (اُردو پوائنٹ اخبارتازہ ترین - آن لائن۔ 23 جنوری2019ء) اے سی سی ٹی ٹوئنٹی ویسٹرن ریجن 19-2018میں سعودی عرب نیمالدیب کو 6وکٹوں سے شکست دیکر پہلی کامیابی حاصل کرلی۔ مسقط عمان میں کھیلے جانے والے اس ٹورنامنٹ کے ابتدائی دو میچوں میں ناکامی کے بعد کھلاڑیوں نے بولنگ، بیٹنگ اور فیلڈنگ کے شعبوں میں اپنی عمدہ صلاحیتوں کو بروکار لاتے ہوئے مالدیپ کے خلاف کامیابی حاصل کی۔

(جاری ہے)

مالدیپ نے ٹاس جیت کر پہلے بیٹنگ کرنے کا فیصلہ کیا اور مقررہ 20اوورز میں 7وکٹوں پر 139رنز بنائے۔جواب میں سعودی ٹیم نے 17اوررز میں 4وکٹوں پر مطلوبہ اسکور حاصل کرلیا۔ ابرار الحق نے عمدہ بیٹنگ کرتے ہوئے 26گیندوں پر 3چھکوں اور 5چوکوں کی مدد سے 49رنز بنائے۔ اس کارکردگی پر انکو مین آف دی میچ کا ایوارڈ دیا گیا۔ ملک محمد نعیم 31 رنز ناٹ آؤٹ اورمحمد ندیم 43 رنز نے چوتھی وکٹ کی شراکت میں 67 رنز کا اضافہ کرکے ٹیم کی کامیابی کی راہ ہموار کی۔ مالدیپ کے ابراہیم حسن نے 26 رنز دیکر2 کھلاڑیوں کو آؤٹ کیا۔۔
وقت اشاعت : 23/01/2019 - 22:00:27

مزید متعلقہ خبریں پڑھئیے‎ :

متعلقہ عنوان :