قومی کھیل کی بہتری کیلئے ٹریننگ کی سہولیات کا فقدان ہے ،حکو متی تعاون بہت ضروری ہے،سیکر ٹری ہاکی فیڈریشن

بین الاقوامی سطح پر ملک کا مقدمہ بہترین انداز میں پیش کر رہے ہیں ،امید ہے حکومتی تعاون سے قومی کھیل میں بہتری آئیگی،شہباز احمد

منگل جنوری 17:36

قومی کھیل کی بہتری کیلئے ٹریننگ کی سہولیات کا فقدان ہے ،حکو متی تعاون ..
اسلام آباد(اُردو پوائنٹ اخبارتازہ ترین۔ 29 جنوری2019ء) پاکستان ہاکی فیڈریشن کے سیکرٹری شہباز احمد سینئر نے کہا ہے کہ وزارت بین الصوبائی رابطہ کے سیکرٹری اکبر درانی نے قومی کھیل کی بہتری اور ویژن 2020 کی تکمیل کے لیے مکمل تعاون کی یقین دہانی کرائی ہے،تعاون پر سیکرٹری آئی پی سی کے شکرگزار ہیں،شہباز سینئر کا کہنا ہے کہ قومی کھیل کی بہتری کے لیے ٹریننگ کی سہولیات کا فقدان ہے جس کے لیے حکومتی تعاون بہت ضروری ہے،جدید خطوط پر ٹریننگ سے ہی دنیا کی بہترین ٹیموں کا مقابلہ کیا جا سکتا ہے،دنیا ہاکی پر بہت زیادہ خرچ کر رہی ہے اور نتائج کے حصول کے لیے ہمیں بھی انتظار کرنا ہو گا،شہباز احمد کا کہنا تھا کہ پی ایچ ایف کو جاب سینٹر نہ بنایا جائے،تنقید برائے تنقید صرف اور صرف پاکستان اور ہاکی کا نقصان کرے گی،ان کا کہنا تھا کہ بین الاقوامی سطح پر ملک کا مقدمہ بہترین انداز میں پیش کر رہے ہیں اس سلسلے میں ایف آئی ایچ کی میٹنگز میں بھی اآواز اٹھائی ہے،امید ہے کہ حکومتی تعاون سے قومی کھیل میں بہتری آئے گی،ان کا کہنا تھا سیکرٹری بین الصوبائی رابطہ نے ملاقات میں فنڈز کا بندوبست کرنے کے کیے مختلف تجاویز بھی مانگی ہیں،اس سلسلے میں ہم جلد ان کو تجاویز بھی دیں گے۔

مزید متعلقہ خبریں پڑھئیے‎ :

وقت اشاعت : 29/01/2019 - 17:36:04

Your Thoughts and Comments