- Home
- Sports
- News
- ہندو انتہا پسندوں کی دھمکیاں نظر انداز،ثانیہ مرزا ،شعیب ملک کو سپورٹ کرنے دبئی پہنچ گئیں
ہندو انتہا پسندوں کی دھمکیاں نظر انداز،ثانیہ مرزا ،شعیب ملک کو سپورٹ کرنے دبئی پہنچ گئیں
ٹینس سٹار نے پاکستانی کرکٹرز اور ان کی فیملیز کو پرتکلف عشائیہ دیا
ذیشان مہتاب منگل 5 مارچ 2019 12:46
ابو ظہبی (اردو پوائنٹ تازہ ترین اخبار۔5مارچ 2019ء) عالمی شہرت یافتہ ٹینس سٹار ثانیہ مرزا انتہاپسند ہندوﺅں سے ملنے والی تمام تر دھمکیوں کو یکسر نظرانداز کرکے دبئی میں اپنے خاوند اور پاکستانی کرکٹر شعیب ملک کو پی ایس ایل میں سپورٹ کرنے پہنچ گئیں۔میڈیا رپورٹس کے مطابق بھارت کی ’بیٹی‘ نے جب پاکستانی ’بہو‘ ہونے کے ناطے دبئی میں سابق پاکستانی کرکٹرز اور ان کی فیملیز کو پرتکلف عشائیہ دیا تو ’پاکستانیوں‘ نے نہ صرف شکریہ ادا کیا بلکہ سماجی رابطوں کے ویب سائٹ ’ٹوئٹر‘ پردنیا ئے ٹینس کی سٹار کھلاڑی ثانیہ مرزا اوران کے خاوند معروف آل راﺅنڈر شعیب ملک کو ’تھینک یو ویری مچ‘ بھی کہا۔ثانیہ مرزا کا پی ایس ایل میں شریک اپنے خاوند شعیب ملک کی سپورٹ میں دبئی پہنچنا اسلئے معنی رکھتا ہے کہ پلوامہ واقعہ کے بعد سے انتہاپسند ہندوﺅں کی جانب سے انہیں تسلسل کے ساتھ کڑی نکتہ چینی کا نشانہ بنایا جارہا ہے۔
پاکستان اور مسلمان دشمنی میں اندھی ہونے والی بی جے پی کے رکن اسمبلی ٹی راجہ سنگھ نے فروری 2019 ءکے تیسرے ہفتے میں مطالبہ کیا تھا کہ عالمی شہرت یافتہ ٹینس سٹار ثانیہ مرزا کو ’برانڈ ایمبسیڈر آف تلنگانہ‘ کے منصب سے فارغ کیا جائے۔جنوبی بھارت کی ریاست تلنگانہ میں بھارتیہ جنتا پارٹی کے واحد رکن اسمبلی ٹی راجہ سنگھ کے مطابق ثانیہ مرزا پاکستان کی ’بہو‘ ہیں یعنی ان کا سب سے بڑا ’قصور‘ یہی ہے کہ وہ شعیب ملک کی اہلیہ ہیں۔بی جے پی کے رکن اسمبلی نے خود کو ہی قانون ’قرار‘دیتے ہوئے یہ فیصلہ بھی سنا دیا تھا کہ ثانیہ مرزا جو پاکستانی سے شادی کرنےکی وجہ سے بھارتی شہری بھی نہیں ہیں اور پاکستانی بہو ہیں کو برانڈ ایمبسیڈر آف تلنگانہ کے منصب سے ہٹا دیا جائے۔گزشتہ دنوں بھارت کے انتہا پسند ہندوﺅں نے سماجی رابطے کی ویب سائٹ پر یہاں تک کہا کہ وہ شعیب ملک کو بھارت نہیں آنے دیں گے۔سٹار آل راﺅنڈر شعیب ملک نے چند دن قبل ’ہمارا پاکستان زندہ باد‘ کا ٹوئٹ کیا تھا جبکہ ثانیہ مرزا نے ونگ کمانڈر ابھی نند کی واپسی پر خوشی کا اظہار کرتے ہوئے انہیں ہیرو قرار دیا تھا۔پاکستان اور بھارت کے درمیان انتہائی کشیدہ صورتحال کے باوجود ثانیہ مرزا پی ایس ایل میں شریک اپنے خاوند کو سپورٹ کرنے دبئی پہنچیں تو انہوں نے سابق پاکستانی کرکٹرز اوران کی فیملیز کو ڈنر پہ بلایا۔ثانیہ مرزا اور شعیب ملک کی جانب سے دیے گئے پرتکلف عشائیہ میں وسیم اکرم ، معین خان ، وقار یونس ، مصباح الحق اور دیگرنے اپنی فیملیز کے ہمراہ شرکت کی۔
(جاری ہے)
وقت اشاعت : 05/03/2019 - 12:46:56
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
رکن صوبائی اسمبلی حنیف خان پتافی کا سپورٹس کمپلیکس ڈیرہ غازی خان کا دورہ،انتظامات پر تشویش کا اظہار
-
اے سی سی پریمیئر کپ سیمی فائنل، اومان نے ہانگ کانگ کو 5 وکٹوں سے شکست دے کر فائنل کیلئے کوالیفائی کرلیا
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
آئی سی سی چیمپیئنز ٹرافی کو لیکر بھارت نے ایک مرتبہ پھر پاکستان کیخلاف پروپیگنڈہ شروع کردیا
-
کھیلوں کے نئے ٹیلنٹ کی تلاش کیلئے سندھ اسپورٹس سٹی بنائیں گی: وزیر کھیل سندھ
-
بھارت کے 2 پہلوان ایشین اولمپک کوالیفائر میں شرکت سے محروم ہوگئے