ثانیہ مرزا کے بیٹے بھی ٹینس کے شوقین نکلے

شعیب ملک کہہ چکے ہیں کہ بیٹا کرکٹر بنے یا ٹینس پلیئر ہم اس پر کوئی چیز مسلط نہیں کرینگے

Zeeshan Mehtab ذیشان مہتاب بدھ مارچ 14:11

ثانیہ مرزا کے بیٹے بھی ٹینس کے شوقین نکلے
دبئی(اردو پوائنٹ تازہ ترین اخبار۔13مارچ 2019ء) قومی کرکٹر شعیب ملک کی اہلیہ اور بھارتی ٹینس سٹار ثانیہ مرزا کے بیٹے نے بھی ٹینس ریکٹ تھام لیا۔بھارتی ٹینس سٹار ثانیہ مرزا نے سماجی رابطے کی ویب سائٹ ٹوئٹر پر ایک تصویر شیئر کی ہے جس میں ان کا بیٹا اذہان ریکٹ کے ساتھ کھیل رہا ہے، اس کے ساتھ ہی ثانیہ مرزا نے اپنی ٹوئیٹ میں لکھا کہ ”اذہان، یہ ریکٹ آپ کے لیے تھوڑا بڑا لگتا ہے“۔

(جاری ہے)

یاد رہے اذہان ابھی صرف 4 ماہ کا ہے لیکن ماں کے ساتھ زیادہ وقت گزارنے کی وجہ سے ٹینس کے زیادہ قریب نظر آ رہا ہے۔واضح رہے شعیب ملک اس سے قبل متعدد انٹرویوز میں کہہ چکے ہیں کہ بیٹا کرکٹر بنے، ٹینس پلیئر یا کوئی اور کیریئر اپنانا چاہے، ہم اس پر کوئی چیز مسلط نہیں کریں گے۔ثانیہ مرزا اور شعیب ملک نے گزشتہ سال اکتوبر میں اپنے بیٹے کو دنیا میں خوش آمدیدکہا تھا۔                                                                                                                                                             

مزید متعلقہ خبریں پڑھئیے‎ :

وقت اشاعت : 13/03/2019 - 14:11:26

Your Thoughts and Comments