ورلڈ کپ2019ء: برائن لارا فائنل میں پاک بھارت ٹاکرا دیکھنے کے خواہاں
پاکستان ایک ایسی ٹیم ہے جو بڑے سے بڑا میچ جیتنے کی صلاحیت رکھتی ہے:سابق ویسٹ انڈین کپتان
ذیشان مہتاب پیر 25 مارچ 2019 11:51
لاہور(اردو پوائنٹ تازہ ترین اخبار۔25مارچ 2019ء) ویسٹ انڈیز کے بیٹنگ لیجنڈ برائن لارا ورلڈ کپ 2019 ءکا فائنل میچ پاکستان اور بھارت کے درمیان دیکھنے کے خواہاں ہیں۔ایک انٹرویو کے دوران ورلڈ کپ 2019 ءسے متعلق اظہار خیال کرتے ہوئے ان کا کہنا تھا کہ انگلینڈ کی پچز کو دیکھتے ہوئے کسی ایک ٹیم کو ایونٹ جیتنے کے لئے فیورٹ قرار دینا تھوڑا مشکل ہے تاہم بھارت اور پاکستان کو میں اس ٹورنامنٹ میں فیورٹ قرار دوں گا۔انہوں نے کہا کہ دونوں روایتی حریفوں کے مابین میچ میں شائقین کا جوش و جذبہ دیکھنے کے قابل ہوتا ہے، پاکستان ایک ایسی ٹیم ہے جو بڑے سے بڑا میچ جیتنے کی صلاحیت رکھتی ہے اور اکثر جیتا ہوا میچ بھی ہار جاتی ہے۔برائن لارا نے کہا کہ میں چیمپئنز ٹرافی 2017ءکے فائنل میچ والا جوش و خروش دوبارہ دیکھنا چاہتا ہوں۔
انہوں نے کہا کہ انگلینڈ میں ہونے والے ورلڈ کپ میچز کا اصل دارومدا ر وہاں کے موسم پر ہوتا ہے، وہاں کب کیسا موسم ہو گا یہ کوئی کہہ نہیں سکتا۔ان کا کہنا تھا کہ انگلینڈ اپنے ہوم گراو¿نڈ میں ایک مشکل حریف ثابت ہو سکتی ہے تاہم ہم نے پہلے بھی دیکھا ہے کہ وہ کئی موقعوں پر آسان میچز بھی ہاری ہے۔انہوں نے کہا کہ ویرات کوہلی کی کپتانی میں بھارتی ٹیم ایک منفرد ٹیم بن کر ابھری ہے، یہ ٹیم اب بھارت کے علاوہ دوسرے ممالک میں بھی میچز جیت رہی ہے۔برائن لارا نے ویسٹ انڈیز کی ورلڈ کپ میں ایک اچھی کارکردگی دکھانے کی امید کی ہے۔
(جاری ہے)
وقت اشاعت : 25/03/2019 - 11:51:04
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
نیشنل ویمنز ون ڈے ٹورنامنٹ میں کراچی ، لاہور اور ملتان نے اپنے میچز میں کامیابی حاصل کرلی
-
چیئرمین پی سی بی کی دعوت پر بے سہارا ،یتیم بچے پاک نیوزی لینڈ سیریز کا چوتھا میچ دیکھیں گے
-
جس کومیری بات بری لگی وہ بابراعظم کواپنی بہن کا رشتہ دے دیں، نازش جہانگیر
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آٹ مرحلے میں پہنچ گئے
-
قومی نیٹ بال چیمپئن شپ 27جون سے اسلام آباد میں کھیلی جائے گی
-
پاکستان ماسٹرٹین پن بالنگ چیمپئن شپ 27 اپریل سے راولپنڈی میں شروع ہوگا