صوبے میں ٹیلنٹ کی کمی نہیں ،صوبے کے کھلاڑیوں نے ملکی سطح کے ساتھ انٹرنیشنل مقابلوں میں بھی اپنا لوہا منوایا ہے،محمد سلیم مروت

پشاور(اُردو پوائنٹ اخبارتازہ ترین - این این آئی۔ 24 اپریل2019ء) خیبر پختونخوا ٹینس ایسوسی ایشن کے صدر ڈی آئی جی محمد سلیم مروت نے کہا ہے ہمارے صوبے میں ٹیلنٹ کی کمی نہیں ہے ہمارے صوبے کے کھلاڑیوں نے نہ صرف ملکی سطح پر اپنے صوبے کا نام روشن کیا ہے بلکہ انٹرنیشنل مقابلوں میں بھی اپنا لوہا منوایا ہے اب وقت آگیا ہے کہ حکومت سپورٹس کی پروموشن کیلئے ترجیحی بنیادوں پر کام کرے ہمارے ملک کے سرمایہ کار، مالیاتی ادارے بھی سوشل سیکٹر میں کام کا آغاز کریں ،انہوںنے سپورٹس ڈائریکٹورٹ کی تعاون سے عنقریب کے پی ٹینس اوپن ٹورنامنٹ منعقد کیا جائے گا جس میں کھلاڑیوں کو ٹرافیوں اور میڈلز کے ساتھ ساتھ نقد انعام بھی دیا جائے گاتا۔

اس سلسلے میں عنقریب ان اداروں سے بھی رابطے کئے جائیں تاکہ گراس روٹ لیول پر ٹینس کے ساتھ ساتھ دیگر کھیلوںمیں بھی ترقی لائی جاسکے۔

(جاری ہے)

ان خیالات کا اظہار انہوں نے ٹینس کے سیکرٹری عمر آیاز کے ہمراہ میڈیاسے بات چیت کرتے ہوئے کیا ۔ اس موقع پر ٹینس کے سینئرکھلاڑی اعجاز احمد ، انعام اللہ ، عرفان اللہ ، جانان خان ، اسرارللہ ، جہانزیب ، الماس خان ، وکیل خان ، محمود خان ، انٹرنیشنل کھلاڑی کاشان عمر ، ثاقب عمر ، محکمہ پولیس ، پی ڈی اے ، اقراء یونیورسٹی سمیت دیگر اداروں کے کوچز اور کابینہ کے عہدیدار کے پی سپورٹس رائٹر ایسوسی ایشن کے نائب صدر نادر خواجہ بھی موجود تھے خیبر پختونخوا ٹینس ایسوسی ایشن کے صدر ڈی آئی جی محمد سلیم مروت نے کہاکہ نئی ٹیلنٹ کو سامنے لانے کے ٹیلنٹ ہنٹ پروگرام کا آغاز کردیا ہے انہوں نے ڈی جی جنید خان کی سپورٹس کے لئے کوششوں کو بھی سراہا اور کہا کہ وہ کھیلوں کی ترقی کے لئے اہم کردار ادا کررہے ہیں انہوں نے کہاکہ سپورٹس ڈائریکٹورٹ کی تعاون سے عنقریب کے پی ٹینس اوپن ٹورنامنٹ منعقد کیا جائے گا جس میں کھلاڑیوں کو ٹرافیوں اور میڈلز کے ساتھ ساتھ نقد انعام بھی دیا جائے گا انہوں نے کہا کہ نقد انعامات کا میں رفتہ رفتہ اضافہ کیا جائے گا تاکہ کھلاڑی مزید محنت کو اپنا شعار بنائیں۔

اس موقع پر خظاب کرتے ہوئے خیبر پختونخوا ٹینس ایسوسی ایشن کے سیکرٹری عمر ایاز نے کہا کہ عنقریب ضلع ناظم پشاور عاصم خان کی تعاون سے شاہی باع ٹینس کورٹ میں ٹورنامنٹ منعقد کیا جائے گا۔انہوں نے کہا ٹینس صوبے میں ترقی کی راہ پرگامزن ہے اس کھیل کی پرومشن کے لئے ایسوسی ایشن ہر ممکن کوشش کررہی ہے انہوں نے صوبے میں ٹینس کے لئے ڈاکٹر طاہر کی خدمات کو بھی سراہا اور اس عزم کا اعادہ کیا کہ ان کی رہنمائی میں ٹینس کو مزید ترقی ملے گی۔