وہاب ریاض نے بطور کپتان سرفراز احمد کی سب سے بڑی خامی بتا دی
گراﺅنڈ میں سرفراز کا غصہ بعض اوقات باﺅلرز کیلئے مشکل صورتحال پیدا کر دیتا ہے اور وہ بیک فٹ پر چلے جاتے ہیں:پیسر
ذیشان مہتاب جمعہ 26 اپریل 2019 15:53
لاہور(اردو پوائنٹ تازہ ترین اخبار۔ 26اپریل2019ء) پاکستانی فاسٹ باﺅلر وہاب ریاض نے قومی ٹیم کے کپتان سرفراز احمد کی سب سے بڑی خامی بتا دی ۔ ایک انٹر ویو کے دوران وہاب ریاض کا کہنا تھا کہ سرفراز احمد ایک اچھا کپتان ہے مگر گراﺅنڈ میں اس کا غصہ بعض اوقات باﺅلرز کیلئے مشکل صورتحال پیدا کر دیتا ہے اور وہ بیک فٹ پر چلے جاتے ہیں۔33سالہ پیسر کا مزید کہنا تھا کہ ایک کرکٹر کی حیثیت سے ہر کھلاڑی ورلڈکپ میں شمولیت کی خواہش رکھتا ہے اور میرے لئے یہ بہت مایوسی کی بات ہے کہ اس سال میں میگا ایونٹ کا حصہ نہیں بنوں گا، ایک کھلاڑی ہی حیثیت سے میرا کام اچھی کارکردگی دکھانا ہے اور باقی سب سلیکٹرز کا کام ہے تاہم امید ہے کہ ٹیم انتظامیہ نے اہم ترین ٹورنامنٹ کیلئے بہترین منصوبہ سازی کی ہو گی۔
میں نے ہر موقع پر بہترین کارکردگی دکھانے کی کوشش کی اور اگر آپ میرا ریکارڈ دیکھیں تو میں نے متحدہ عرب امارات (یو اے ای) میں بھی وکٹیں حاصل کیں جہاں کی کنڈیشنز فاسٹ باﺅلرز کیلئے زیادہ سازگار نہیں ہیں۔ وہاب ریاض کا کہنا ہے کہ آئی سی سی ورلڈکپ 2019ءکیلئے منتخب ہونے والے پاکستانی سکواڈ میں تجربہ کار کھلاڑیوں کی کمی ہے جس کے باعث ٹیم کو مشکلات کا سامنا کرنا پڑ سکتا ہے۔ وہاب ریاض نے کہا کہ میرے خیال سے تجربہ کار کھلاڑی بڑے ٹورنامنٹس میں فائدہ مند ثابت ہو سکتے ہیں اسلئے محمد حفیظ اور شعیب ملک کو میگا ایونٹ میں اہم کردار ادا کرنا ہو گا۔انہوں نے مزید کہا کہ قومی ٹیم کے بیٹنگ آرڈر کو مزید مضبوط کرنے کیلئے سکواڈ میں عمر اکمل جیسے بلے باز کو بھی ضرور شامل کیا جانا چاہئے تھا۔ آپ کو کسی ایسے مڈل آرڈر بلے باز کی ضرورت ہے جو دباﺅمیں بھی ناصرف رنز بنا سکے بلکہ میچ ختم کرنےکی صلاحیت بھی رکھتا ہو۔
(جاری ہے)
وقت اشاعت : 26/04/2019 - 15:53:44
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
انگلش پریمیئر لیگ میں (کل) مزید 2کھیلے جائیں گے
-
پاکستان اورویسٹ انڈیز کی ویمن ٹیموں کے درمیان ون ڈے سیریز کا دوسرا میچ 21 اپریل کو کھیلا جائے گا
-
ورلڈ اوپن اسکواش،پاکستان کے حمزہ خان مین ڈراز میں شامل
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
سابق آسٹریلوی کرکٹر اسٹیورٹ لا امریکی کرکٹ ٹیم کے ہیڈ کوچ مقرر
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد