ورلڈ کپ میں پاکستان کو عامر کی اشد ضرورت ہے:سعید اجمل
سلیکٹرز کو بائیں ہاتھ کے فاسٹ باﺅلر کی صلاحیتوں پر اعتماد کرنا چاہئے تھا:سابق سپنر
ذیشان مہتاب جمعرات 2 مئی 2019 12:52
دبئی(اردو پوائنٹ تازہ ترین اخبار۔2 مئی 2019ء) سابق قومی آف سپنر سعید اجمل کا کہنا ہے کہ ورلڈ کپ میں پاکستان کو محمد عامر کی اشد ضرورت ہے لہٰذا قومی سلیکٹرز کو بائیں ہاتھ کے فاسٹ باﺅلر پر اعتماد کرنا چاہئے تھا۔سعید اجمل نے اپنی اکیڈمی کی ٹیم کے دورہ یو اے ای کے دوران میڈیا سے گفتگو میں واضح کیا کہ سلیکٹرز نے محمد عامر کو ورلڈ کپ کے حتمی سکواڈ میں شامل نہ کر کے سنگین غلطی کی ہے کیونکہ میگا ایونٹ کے دوران گرین شرٹس کو ان کے تجربے کی کمی محسوس ہو گی۔انہوں نے واضح کیا کہ سلیکٹرز کو بائیں ہاتھ کے پیسر کی صلاحیتوں پر اعتماد کرنا چاہئے تھا جنہوں نے دو سال قبل چیمپئنز ٹرافی فائنل میں بھارت کے خلاف فتح گر سپیل کیا تھا۔ان کا کہنا تھا کہ اگرچہ محمد عامر کی حالیہ عرصے میں کارکردگی بہت زیادہ اچھی نہیں تھی لیکن ورلڈ کپ جیسے اہم ایونٹس میں تجربہ کار کھلاڑیوں کا ساتھ درکار ہوتا ہے اور اسی بنیاد پر محمد عامر کو بھی پندرہ رکنی سکواڈ میں شامل کیا جانا ضروری تھا کیونکہ وہ انتہائی قیمتی کھلاڑی اور گیند کو سوئنگ کرنے کی صلاحیت کے مالک بھی ہیں جسے انگلش کنڈیشنز میں کسی بھی باﺅلر کیلئے سرمایہ سمجھا جاتا ہے۔
سعید اجمل کا کہنا تھا کہ انگلش کنڈیشنز فاسٹ باﺅلرز کیلئے ہمیشہ ہی سازگار ہوتی ہیں اور محمد عامر کو اپنے تجربے کی بنیاد پر گیند کو دونوں طرف گھمانے میں ملکہ حاصل ہے۔ان کا مزید کہنا تھا کہ کوئی بھی کھلاڑی ہمیشہ بہترین کھیل پیش نہیں کرتا جبکہ اکثر بڑے اور نامور کھلاڑی بھی خراب عرصے کا شکار ہو کر ناکامی سے دوچار ہو جاتے ہیں۔
(جاری ہے)
وقت اشاعت : 02/05/2019 - 12:52:45
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
رکن صوبائی اسمبلی حنیف خان پتافی کا سپورٹس کمپلیکس ڈیرہ غازی خان کا دورہ،انتظامات پر تشویش کا اظہار
-
اے سی سی پریمیئر کپ سیمی فائنل، اومان نے ہانگ کانگ کو 5 وکٹوں سے شکست دے کر فائنل کیلئے کوالیفائی کرلیا
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
آئی سی سی چیمپیئنز ٹرافی کو لیکر بھارت نے ایک مرتبہ پھر پاکستان کیخلاف پروپیگنڈہ شروع کردیا
-
کھیلوں کے نئے ٹیلنٹ کی تلاش کیلئے سندھ اسپورٹس سٹی بنائیں گی: وزیر کھیل سندھ
-
بھارت کے 2 پہلوان ایشین اولمپک کوالیفائر میں شرکت سے محروم ہوگئے