آصف علی اور محمد عامر کو ورلڈ کپ کا ٹکٹ دینے کا فیصلہ
فہیم اشرف اور عابد علی کی جگہ محمد عامر اور آصف علی 15 رکنی ٹیم ورلڈکپ ٹیم کا حصہ ہوں گے
ذیشان مہتاب جمعرات 16 مئی 2019 12:28
لاہور(اردو پوائنٹ تازہ ترین اخبار۔16مئی 2019ء) قومی کرکٹ ٹیم کے ہیڈ کوچ مکی آرتھر، کپتان سرفراز احمد اور چیف سلیکٹر انضمام الحق کی ورلڈ کپ سکواڈ کے لیے مشاورت مکمل ہوگئی ہے اورسلیکٹرز نے جارح مزاج بلے باز آصف علی اور تجربہ کار فاسٹ باﺅلر محمد عامر پر اعتماد کا اظہار کرتے ہوئے انہیں ٹیم میں شامل کرنے کا فیصلہ کیا ہے۔ذرائع کے مطابق ورلڈ کپ سکواڈ میں شامل فہیم اشرف اور اوپننگ بلے باز عابد علی کی جگہ محمد عامر اور آصف علی 15 رکنی ٹیم ورلڈکپ ٹیم کا حصہ ہوں گے۔ 27 سالہ آصف علی نے ساﺅتھیمپٹن کے دوسرے ون ڈے میں 36 گیندوں پر 51 اور برسٹل کے تیسرے ون ڈے میں 43 گیندوں پر 52 رنز کی اننگز کھیل کر ورلڈ کپ سکواڈ میں اپنی سیٹ کنفرم کروالی ہے۔رواں سال اپنی 27ویں سالگرہ منانے والے بائیں ہاتھ کے فاسٹ باﺅلر محمد عامر جو چیچک کے باعث ان دنوں قومی ٹیم سے علیحدہ کر دیے گئے ہیں اور ان دنوں لندن میں زیر علاج ہیں،پیسر کے لیے اچھی خبر یہ ہے کہ چیف سلیکٹر انضمام الحق کی آشیر باد اور انگلینڈ کےخلاف دو میچز میں باﺅلرز کی ناقص پرفارمنس نے ان کا راستہ صاف کر دیا ہے۔
51 ون ڈے میچز میں 32.85 کی اوسط سے 60 وکٹیں لینے والے محمد عامر اپنے آخری 14 میچز میں محض 5 وکٹیں لے سکے تھے تاہم وہ انگلینڈ کےخلاف آخری دو ون ڈے یا ورلڈ کپ ورام اپ میچز میں کھیلے بنا براہ راست میگا ایونٹ میں کھیلیں گے ۔یاد رہے کہ انگلینڈ میں 30 مئی سے شروع ہونے والے آئی سی سی ورلڈ کپ کے لئے شریک ٹیموں نے اپنے سکواڈ کو حتمی شکل دے دی ہے، ورلڈ کپ شروع ہونے سے ایک ہفتے قبل تک ٹیموں کے پاس اختیار ہے کہ وہ اپنی مرضی سے ٹیم میں رد و بدل کرسکتے ہیں جبکہ 23 مئی کے بعد ٹورنامنٹ کمیٹی سکواڈ میں میڈیکل یا کسی اور بنیاد پر ہی تبدیلی کی اجازت دیگی ۔
(جاری ہے)
وقت اشاعت : 16/05/2019 - 12:28:43
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
قومی فٹبال ٹیم کے فارورڈ کھلاڑی فرید اللہ کی (بروکن کالر) انجری کی کامیاب سرجری
-
انٹر کالجیٹ رمضان ٹی 20 کپ میں (کل) مزید دو میچوں کا فیصلہ ہو گا
-
قومی فٹبال ٹیم کے فارورڈ کھلاڑی فرید اللہ کی انجری کی کامیاب سرجری
-
میامی اوپن ٹینس مینز سنگلز،گریگور دیمتروف اور الیگزینڈرزویروف سیمی فائنل میں پہنچ گئے
-
کاکول میں سخت ٹریننگ،بعض کھلاڑیوں نے تھکاوٹ کے باعث کرسی پر بیٹھ کر نماز ادا کی
-
کرکٹ آئرلینڈ کا پاکستان کیخلاف ٹی20 سیریز کیلئے شیڈول کا اعلان