بابر اعظم ورلڈ کپ کے 10 خطرناک ترین بلے بازوں میں شامل

لندن(اردو پوائنٹ تازہ ترین اخبار۔21مئی 2019ء) پاکستان کے بابراعظم نے ورلڈ کپ کے 10 خطرناک ترین بیٹسمینوں میں جگہ بنا لی ہے۔بین الاقوامی ویب سائٹ نے ورلڈ کپ کے 10 خطرناک ترین بلے بازوں کی فہرست جاری کی ہے جس میں بھارت کے 2 جب کہ افغانستان، بنگلا دیش، ویسٹ انڈیز، انگلینڈ، نیوزی لینڈ، جنوبی افریقا اور آسٹریلیا کا ایک، ایک کھلاڑی جگہ بنانے میں کامیاب رہا ہے۔

(جاری ہے)

پاکستان کے بابراعظم کی حالیہ بالخصوص انگلینڈ کے خلاف غیر معمولی کارکردگی کو دیکھتے ہوئے انہیں اس فہرست میں شامل کیا گیا ہے،دوسرے کھلاڑیوں میں افغانستان کے وکٹ کیپر بلے باز محمد شہزاد، بنگلا دیش کے اوپنر تمیم اقبال ، ویسٹ انڈیز کے اوپنر کرس گیل، انگلینڈ کے جوزبٹلر، نیوزی لینڈ کے کپتان کین ولیمسن، جنوبی افریقا کے وکٹ کیپر بلے باز کوئنٹن ڈی کوک، آسٹریلیا کے اوپننگ بلے باز ڈیوڈ وارنر جب کہ بھارتی کپتان کے ویرات کوہلی اور شیکھر دھون شامل ہیں۔

دوسری جانب سری لنکا کا کوئی بلے باز اس فہرست میں جگہ نہیں بناپایا۔یاد رہے کہ بابر اعظم نے انگلینڈ کے خلاف حالیہ ون ڈے سیریز میں ایک سنچری اور دو نصف سنچریوں کی مدد سے277رنز سکور کیے ہیں ۔