سابق آسٹریلوی کرکٹر ڈیوڈ ہسی بگ بیش لیگ کے اگلے سیزن کیلئے میلبورن سٹارز کے کوچ مقرر

سڈنی (اُردو پوائنٹ اخبارتازہ ترین - اے پی پی۔ 22 مئی2019ء) سابق آسٹریلوی کرکٹر ڈیوڈ ہسی بگ بیش لیگ کے اگلے سیزن میں میلبورن سٹارز کی کوچنگ کریں گے، انہیں نیوزی لینڈ کے سٹیفن فلیمنگ کی جگہ یہ ذمہ داری دی گئی ہے، ابتدائی طور پر ہسی اور سٹارز کے درمیان دو سال کا معاہدہ طے پایا ہے جس کے تحت سابق کرکٹر 2020ء سیزن کے آخر تک کلب کے ساتھ بطور کوچ ذمہ داریاں جاری رکھیں گے۔

(جاری ہے)

ڈیوڈ ہسی نے اپنے بیان میں کہا کہ میلبورن سٹارز کی کوچنگ میرے لئے باعث اعزاز ہے، کوشش ہو گی کہ ٹیم کی کارکردگی کو بہتر بنا کر اسے ٹائٹل دلوانے میں کردار ادا کروں۔