بھارتی ٹیم کو بڑا دھچکا، اوپنر شیکھر دھون ورلڈکپ سے باہر

لندن(اردو پوائنٹ اخبارتازہ ترین۔ 11جون2019ء) بھارتی کرکٹ ٹیم کے جارح مزاج اوپنر شیکر دھاون انگوٹھے کی انجری کے باعث ورلڈکپ سے تین ہفتوں کے لیے باہر ہوگئے ہیں ۔بھارتی میڈیا کے مطابق33سالہ شیکھر دھون آسٹریلیا کے خلاف میچ کے دوران انگوٹھے پر گیند لگنے سے زخمی ہوگئے تھے جس کے بعد ان کا سکین کیا گیا جس کی رپورٹ کے مطابق شیکھر دھون کا انگوٹھا فریکچر ہے۔

شیکھر دھون ورلڈکپ کے آئندہ میچز نہیں کھیل سکیں گے، رواں ماہ بھارت کو نیوزی لینڈ، پاکستان، افغانستان، ویسٹ انڈیز اور انگلینڈ کے خلاف میچز کھیلنے ہیں۔شیکھر دھون ورلڈکپ میں بھارت کے اہم ہتھیار ہیں اور انہوں نے انگلینڈ کے خلاف 117 رنز کی شاندار اننگز کھیلی اور میچ کے بہترین کھلاڑی بھی قرار پائے تھے۔ شیکھر دھون آئی سی سی ایونٹس میں بھارت کے بہترین بلے باز ثابت ہوئے ہیں اور اب تک آئی سی سی ایونٹس میں6سنچریاں سکور کرچکے ہیں،انہوں نے ورلڈ کپ2015ءمیں بھی 2سنچریاں بنائی تھیں،شیکھر دھون کی جگہ اب ممکنہ طور پر لوکیش راہول بھارتی ٹیم کے لیے اوپننگ کریں گے جب کہ وجے شنکر یا دنیش کارتھک مڈل آرڈر میں کھیلیں گے، شیکھر دھون کی جگہ شیریاس ایر یا رشبھ پانٹ کو ورلڈ کپ سکواڈ میں شامل کیے جانے کا امکان ہے ۔

(جاری ہے)