پاکستان کو نئی گیند سے وکٹ لینے والا باﺅلر چاہئے : وسیم اکرم
آسٹریلیا کیخلاف میچ میں ابتدا میں جلد وکٹیں لینا اہم ہوگا :سابق کپتان
ذیشان مہتاب بدھ 12 جون 2019 12:24
لندن(اردو پوائنٹ اخبارتازہ ترین۔12جون2019ء) پاکستان کرکٹ ٹیم کے سابق کپتان اور سوئنگ کے سلطان وسیم اکرم کا کہنا ہے کہ پاکستان کو نئی گیند سے وکٹ لینے والا بولر چاہئے ، آسٹریلیا کیخلاف میچ میں ابتدا میں جلد وکٹیں لینا اہم ہوگا۔ وسیم اکرم نے کہا کہ محمد عامر اچھا پرفارم کررہے ہیں اب وقت ہے کہ حسن علی بھی آگے آکر اپنا کردار ادا کریں۔ انہوں نے کہا کہ انگلینڈ میں کامیابی کیلئے ضروری ہے کہ ابتدائی کھلاڑی رنز کریں ، فخر ، بابر اور امام میں سے کسی ایک کا کم از کم اسی رنز کرنا ضروری ہے تاکہ ٹیم کو بڑا اسکور کرنے کا بیس مل سکے۔ انہوں نے کہا کہ فخر زمان اب سینئر ہوگئے ہیں، ان کو اب ذمہ دارانہ انداز میں بیٹنگ کرنا ہوگی، ہر گیند کوآگے نکل کر نہیں کھیل سکتے، میریٹ پر گیند ہو تو ہٹ کریں ، بابر اور امام تکنیکی طور پر اچھے بیٹسمین ہیں۔
وسیم اکرم نے کہا کہ اگر شاہین شاہ آفریدی کو کھلانا ہے تو پہلے میچ سے ہی کھلایا جانا بہتر ہوتا ، ان کی نظر میں شاہین کو شروع ہی سے حسن کی جگہ سکواڈ میں ہونا چاہیے تھا۔ایک سوال پر ان کا کہنا تھا کہ آسٹریلیا کی ٹیم انڈیا سے میچ ہارکر آرہی ہے اور پاکستان اس صورتحال کا فائدہ اٹھا سکتا ہے لیکن اسے یہ بھی معلوم ہونا چاہے کہ آسٹریلیا زخمی شیر کی طرح بھی وار کرسکتا ہے۔ سابق کپتان اور سوئنگ کے سلطان نے مزید کہا کہ متحدہ عرب امارات میں ہونیوالی سیریز کا ورلڈ کپ کے میچ پر اثر نہیں ہوگا، ورلڈ کپ میں پاکستان تجربات کررہا تھا اب ٹیم کے سینیئر پلیئرز واپس آگئے ہیں ، مقابلہ تگڑا ہوگا۔ ان کا کہنا تھا کہ وکٹ کے بارے میں یہی اطلاع ہے کہ اس پر کچھ گھاس موجود ہے اور موسم کی وجہ سے کچھ نمی بھی ہوگی ،ایسے میں ٹاس جیتنے والی ٹیم پہلے بولنگ ہی کرے گی۔
(جاری ہے)
وقت اشاعت : 12/06/2019 - 12:24:20
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
بابر اعظم کو ایک بار پھر قومی ٹی ٹونٹی ٹیم کی کپتانی سونپنے کا فیصلہ
-
پاکستان کے دورہ آئرلینڈ کے ٹی ٹونٹی میچز کے شیڈول کا اعلان
-
نیوزی لینڈ ویمن اور انگلینڈ ویمن ٹیموں کے درمیان پہلا ون ڈے کرکٹ میچ یکم اپریل کو کھیلا جائے گا
-
میامی اوپن ٹینس مینز ڈبلز،روہن بھوپنا اور میتھیو ایبڈن فائنل میں پہنچ گئے
-
بنگلہ دیش اور سری لنکا کی کرکٹ ٹیموں کے درمیان دوسرا اور آخری ٹیسٹ میچ (کل) سے شروع ہوگا
-
میامی اوپن ٹینس ویمنز سنگلز،ایلینا ریباکینااور ڈینیئل کولنز فائنل میں پہنچ گئیں