سری لنکن کرکٹ بورڈ ٹیسٹ سیریز کیلئے دورہ پاکستان پر ہچکچاہٹ کا شکار
لنکن بورڈ کو کھلاڑیوں کے سٹیڈیم اور ہوٹل تک محدود رہنے پر اعتراض ،چندمحدود اوورزکے میچزکا پاکستان میں انعقاد ممکن
ذیشان مہتاب جمعہ 12 جولائی 2019 11:22
لاہور(اردو پوائنٹ تازہ ترین اخبار۔12جولائی 2019ء) ٹیسٹ میچزکیلئے دورئہ پاکستان پرسری لنکا ہچکچاہٹ کا شکار ہے۔مارچ 2009ءمیں سری لنکن ٹیم پر لاہور میں حملہ ہوا جس نے پاکستان کو انٹرنیشنل کرکٹ کیلئے نوگو ایریا بنا دیا،سابقہ پی سی بی انتظامیہ کی کوششوں سے ملکی میدان آباد ہوئے مگر اس دوران صرف محدود اوورز کے میچز ہی ہو سکے ، اب کرکٹ بورڈ حکام ملک میں ٹیسٹ کرکٹ بھی واپس لانا چاہتے ہیں اوراس حوالے سے سری لنکا کو ہی رواں برس دورے پر قائل کرنے کی کوشش ہو رہی ہے۔آئی لینڈرز کا ٹور ممکنہ طور پر2 حصوں میں تقسیم ہو گا، ستمبر اور اکتوبر میں 2 ٹیسٹ اور پھر دسمبر میں 3 ٹی ٹونٹی اور اتنے ہی ون ڈے کھیلے جائیں گے، بورڈ نے کئی ماہ قبل سری لنکن بورڈ کو دعوت دی تھی کہ وہ کراچی اور لاہور میں ٹیسٹ میچز کھیلنے کیلیے ٹیم کو بھیجے مگر اس نے تاحال ٹور کی تصدیق سے گریز کیا ہے،لندن میں موجود چیئرمین پی سی بی احسان مانی اب آئی سی سی میٹنگز کے دوران سری لنکن ہم منصب کو قائل کرنے کی کوشش کریں گے۔
ذرائع کے مطابق بظاہر سری لنکا پاکستان میں سکیورٹی انتظامات سے مطمئن ہے مگر اسے کھلاڑیوں کے ہوٹل تک محدود رہنے پر اعتراض ہے، حکام کا خیال ہے کہ ٹیسٹ میچز 10روز تک ہوں گے اور درمیان میں 3دن کا وقفہ بھی ضروری ہے، کم از کم یہ ٹور 15روز کا ہوگا،اس دوران کھلاڑیوں کیلئے یہ ممکن نہیں کہ وہ صرف سٹیڈیم جائیں اور پھر ہوٹل میں رہیں ، پاکستان میں ابھی حالات ایسے بھی نہیں کہ سری لنکن کھلاڑی یو اے ای کی طرح آزادانہ گھومتے رہیں،پی سی بی نے انھیں ایک ٹیسٹ کھیلنے کا بھی آپشن دیا جس کا ابھی جواب نہیں ملا ہے، اگر سری لنکا نہ مانا تو پھر محدود اوورز کے چند میچز کیلئے دعوت دی جائے گی جس کو منظور کرنے کا قوی امکان ہے، آئی لینڈرز 2017ءمیں بھی ایک ٹی ٹونٹی میچ کھیلنے کیلئے لاہور آ چکے ہیں۔
(جاری ہے)
وقت اشاعت : 12/07/2019 - 11:22:40
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
رکن صوبائی اسمبلی حنیف خان پتافی کا سپورٹس کمپلیکس ڈیرہ غازی خان کا دورہ،انتظامات پر تشویش کا اظہار
-
اے سی سی پریمیئر کپ سیمی فائنل، اومان نے ہانگ کانگ کو 5 وکٹوں سے شکست دے کر فائنل کیلئے کوالیفائی کرلیا
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
آئی سی سی چیمپیئنز ٹرافی کو لیکر بھارت نے ایک مرتبہ پھر پاکستان کیخلاف پروپیگنڈہ شروع کردیا
-
کھیلوں کے نئے ٹیلنٹ کی تلاش کیلئے سندھ اسپورٹس سٹی بنائیں گی: وزیر کھیل سندھ
-
بھارت کے 2 پہلوان ایشین اولمپک کوالیفائر میں شرکت سے محروم ہوگئے