ورلڈ کپ فائنل ،عادل رشید اور معین علی کے عمل نے مسلمانوں کا سر فخر سے بلند کردیا
معین علی اور عادل رشید نے شراب سے بچنے کیلئے ورلڈ کپ کا جشن ادھورا چھو ڑ دیا
ذیشان مہتاب پیر 15 جولائی 2019 11:02
لندن(اردو پوائنٹ تازہ ترین اخبار۔15جولائی 2019ء) برطانوی آف سپنر معین علی اور لیگ سپنر عادل رشید اپنے ساتھیوں کی جانب سے شراب ایک دوسرے پر برسانے کے دوران ورلڈ کپ جیتنے کا جشن منانا ادھورا چھو ڑ کر دور نکل گئے ۔برطانوی کپتان این مورگن کے ورلڈ کپ ٹرافی اٹھاتے ہی ساتھی کھلاڑیوں نے شراب ایک دوسرے پر ڈالنا شروع کردی اور اس سے بچنے کے لیے مسلمان کھلاڑی عادل رشید اور معین علی جشن مناتی انگلش ٹیم کو چھوڑ کر پوڈیم سے نیچے اتر گئے ۔
ون ڈاﺅن آنےوالے کین ولیمسن اور اوپنر ہینری کے درمیان 74 رنز کی شراکت قائم ہوئی تاہم کپتان ولیمسن 30 رنز بناکر وکٹوں کے پیچھے کیچ آﺅٹ ہوگئے جبکہ روس ٹیلر صرف 15 رنز کے مہمان ثابت ہوئے اور نکولس بھی 55 رنز پر ہمت ہار گئے۔کیوی ٹیم کے دونوں آل راﺅنڈرز اہم میچ میں بڑی اننگز کھیلنے میں ناکام رہے، جمی نیشم 19 رنز بناکر پویلین لوٹے اور کولن ڈی گراﺅنڈ 16 رنز بناکر آﺅٹ ہوئے جبکہ وکٹ کیپر بیٹسمین ٹام لیتھم 47 رنز بنانے کے بعد آﺅٹ ہوئے۔ انگلینڈ کی جانب سے لیام پلنکٹ اور کرس ووکس نے 3،3 جب کہ جوفرا آرچر اور مارک ووڈ نے ایک ایک وکٹ حاصل کی۔نیوزی لینڈ کے 242 رنز کے تعاقب میں انگلش ٹیم کی جانب سے جیسن روئے اور بیرسٹو پر مشتمل اوپننگ جوڑی نے اننگز کا آغاز کیا تو پہلی وکٹ 28 رنز پر گر گئی، سیمی فائنل میں جارحانہ بیٹنگ سے ٹیم کی جیت میں کلیدی کردار ادا کرنے والے جیسن روئے فائنل میں ناکام رہے اور 17 رنز بنا کر چلتے بنے جب کہ 59 کے مجموعے پر جوروٹ کیچ آﺅٹ ہوئے، انہوں نے 7 رنز بنائے۔71 کے مجموعی سکور پر بیرسٹو بولڈ ہوگئے، وہ 36 رنز بنا سکے جبکہ کپتان مورگن بھی ٹیم کو مشکلات میں چھوڑ گئے اور 9 رنز بنا کر چلتے بنے۔پانچویں وکٹ پر بین سٹوکس اور بٹلر نے ذمہ دارانہ بیٹنگ کرتے ہوئے 110 رنز کی قیمتی پارٹنرشپ قائم کر کے ٹیم کو میچ واپس لائے، بٹلر 196 کے مجموعی سکور پر آﺅٹ گئے جسکے بعد ایک طرف سے وکٹیں گرتی رہیں تو دوسرے اینڈ پر بین سٹوکس ڈٹ کر مقابلہ کرتے رہے، انگلینڈ کو آخری اوور میں جیت کے لیے 15 رنز درکار تھے، بین سٹوکس نے شاندار بیٹنگ کرتے ہوئے چھکا لگایا اور اگلی ہی گیند پر 2 رنز بنائے تاہم فیلڈر نے تھرو کیا اور گیند باﺅنڈری پار کر گئی جس سے انگلینڈ کو 4 اضافی رنز مل گئے۔ میزبان ٹیم کو آخری گیند پر جیت کے لیے 2 رنز درکار تھے لیکن دوسرا رن بناتے ہوئے ووڈ رن آﺅٹ ہوگئے اور یوں میچ برابر ہوگیا۔نیوزی لینڈ کی جانب سے فرگوسن اور جمی نیشم نے 3،3 جب کہ گرینڈ ہوم اور ہنری نے ایک ایک وکٹ حاصل کی۔ونر کے لیے سپر اوور دیا گیا تو انگلینڈ نے بغیر کسی نقصان کے 15 رنز بنائے جس کے جواب میں نیوزی لینڈ نے بھی 15 رنز بنائے تاہم زیادہ باﺅنڈریز کی وجہ سے انگلینڈ کو فاتح قراردیا گیا۔ میچ وننگ اننگز کھیلے پر بین سٹوکس فائنل کے بہترین کھلاڑی قرار پائے۔
یاد رہے کہ ا نگلینڈ نے اعصاب شکن مقابلے کے بعد نیوزی لینڈ کو شکست دے کر پہلی بار ورلڈکپ جیت لیا۔لارڈز کے تاریخی میدان پر کھیلے گئے ورلڈکپ کے فائنل میں نیوزی لینڈ نے انگلینڈ کے خلاف ٹاس جیت کر بیٹنگ کا فیصلہ کیا تو نیوزی لینڈ نے پہلے بیٹنگ کرتے ہوئے مقررہ 50 اوورز میں 8 وکٹ کے نقصان پر 241 رنز بنائے، کیوی ٹیم کی جانب سے اننگز کا آغاز مارٹن گپٹل اور نکولس ہینری نے کیا، دونوں بلے بازوں نے محتاط انداز میں اننگز کو آگے بڑھایا تاہم وہ بڑی شراکت داری قائم نہ کر سکے اور 29 کے مجموعے پر اوپننگ جوڑی ٹوٹ گئی، آﺅٹ آف فام مارٹن گپٹل فائنل میں بھی خاطر خواہ کارکردگی پیش نہ کر سکے اور صرف 19 رنز پر ہی چلتے بنے۔
(جاری ہے)
وقت اشاعت : 15/07/2019 - 11:02:33
مزید متعلقہ خبریں پڑھئیے :
متعلقہ عنوان :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
پاکستان اور نیوزی لینڈ کے مابین پہلا ٹی ٹونٹی میچ بارش کے باعث بغیر کسی نتیجے کے ختم ہو گیا
-
صرف 2 گیندوں بعد ہی میچ ختم
-
پاکستان نیوزی لینڈ ٹی ٹونٹی کرکٹ سیریز، پنجاب پولیس کے فول پروف سکیورٹی و ٹریفک انتظامات
-
راولپنڈی میں بارش رک گئی، پاک نیوزی لینڈ میچ چند اوورز تک محدود کر دیا گیا
-
کس وقت تک بارش نہ رکی تو پاک نیوزی لیند میچ منسوخ کر دیا جائے گا؟
-
سری لنکا ویمنز ٹیم نے جنوبی افریقہ کو تیسرے ون ڈے میں 6 وکٹوں سے شکست دیدی، سیریز 1-1 سے برابر