یونس خان قومی ٹیم کے بیٹنگ کوچ کیلئے فیورٹ امیدوار
ذیشان مہتاب منگل 16 جولائی 2019 11:55
لاہور(اردو پوائنٹ تازہ ترین اخبار۔16جولائی 2019ء) قومی کرکٹ ٹیم کے عالمی کپ سے اخراج کے بعد پی سی بی حکام کی جانب سے بڑی تبدیلیوں کی بازگشت سنائی دے رہی ہے اور ذرائع کا دعویٰ ہے کہ گرین شرٹس کی بیٹنگ میں خامیوں کو دور کرنے کیلئے سابق ریکارڈ ساز بیٹسمین یونس خان کی خدمات بطور بیٹنگ کوچ حاصل کرنے کی کوششیں تیز کردی گئی ہیں جو اس منصب کیلئے فیورٹ امیدوار بن کر سامنے آئے ہیں۔تفصیلات کے مطابق پی سی بی نے نئے کوچنگ سٹاف کی تقرری کیلئے کوششیں شروع کردی ہیں اور اس بار قرعہ فال پاکستان کے سابق کرکٹرز کے نام نکلنے کا قوی امکان ہے کیونکہ ملکی سطح پر بھی اس بات کا شدت کے ساتھ مطالبہ کیا جا رہا ہے کہ غیر ملکی کوچنگ اسٹاف سے گریز کرتے ہوئے ماضی قریب میں قومی ٹیم سے علیحدہ ہونے والے بڑے اسٹارز کی خدمات مستعار لی جائیں۔
اگرچہ یہ تاثر بھی کافی مضبوط ہے کہ ورلڈ کپ میں پاکستانی ٹیم کی مجموعی کارکردگی کے بعد بہت زیادہ تبدیلیاں کرنا مناسب نہیں ہوگا اور آئندہ برس ٹی ٹونٹی ورلڈ کپ تک موجودہ کوچنگ سٹاف کو کام کرنے دیا جائے لیکن تبدیلی کے خواہاں پی سی بی حکام یونس خان کو بیٹنگ کوچ جبکہ ثقلین مشتاق یا مشتاق احمد کو باﺅلنگ کوچ کے طور پر سامنے لانا چاہتے ہیں۔واضح رہے کہ ماضی قریب میں یونس خان کو جونیئر ٹیموں کی کوچنگ کیلئے بھی پیشکش کی تھی جس پر ان کے پی سی بی سے معاملات طے نہیں ہو سکے تھے تاہم ذرائع کا دعویٰ ہے کہ اس مرتبہ ان کو زیادہ بہتر معاوضے اور مراعات کے علاوہ اختیارات کے ساتھ عہدہ سونپنے کی پیشکش کی جائے گی۔
(جاری ہے)
وقت اشاعت : 16/07/2019 - 11:55:32
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
پاکستان اور نیوزی لینڈ کے مابین پہلا ٹی ٹونٹی میچ بارش کے باعث بغیر کسی نتیجے کے ختم ہو گیا
-
صرف 2 گیندوں بعد ہی میچ ختم
-
پاکستان نیوزی لینڈ ٹی ٹونٹی کرکٹ سیریز، پنجاب پولیس کے فول پروف سکیورٹی و ٹریفک انتظامات
-
راولپنڈی میں بارش رک گئی، پاک نیوزی لینڈ میچ چند اوورز تک محدود کر دیا گیا
-
کس وقت تک بارش نہ رکی تو پاک نیوزی لیند میچ منسوخ کر دیا جائے گا؟
-
سری لنکا ویمنز ٹیم نے جنوبی افریقہ کو تیسرے ون ڈے میں 6 وکٹوں سے شکست دیدی، سیریز 1-1 سے برابر